'ആരെങ്കിലും വാതില്‍ മുട്ടി 'നമ്മള്‍ വിജയിച്ചു' എന്ന് പറയുന്നത് വരെ ഞാന്‍ അടച്ചുപൂട്ടി ഇരിക്കും'; കളി കാണില്ലെന്ന് ആനന്ദ് മഹീന്ദ്ര

കോടിക്കണക്കിന് ക്രിക്കറ്റ് ആരാധകരാണ് ഇന്ത്യ ഓസ്‌ട്രേലിയ ലോകകപ്പ് ക്രിക്കറ്റ് ഫൈനല്‍ മത്സരം കാണുന്നത്. എല്ലാവരും ആകാംഷയുടെ മുൾമുനയിൽ നിന്ന് കളി വീക്ഷിക്കുമ്പോൾ മത്സരം കാണില്ല എന്ന് പ്രഖ്യാപിച്ചിരിക്കുകയാണ് പ്രമുഖ വ്യവസായി ആനന്ദ് മഹീന്ദ്ര. ഇതിനുള്ള കാരണവും ആനന്ദ് മഹീന്ദ്ര വ്യക്തമാക്കുന്നുണ്ട്. സമൂഹമാധ്യമമായ എക്സിലൂടെ അദ്ദേഹം ഇക്കാര്യം അറിയിച്ചത്. രാജ്യത്തോടുള്ള തന്റെ സേവനമാണ് ഇതെന്നാണ് കാരണമായി ആനന്ദ് മഹീന്ദ്ര പറയുന്നത്.