'തലയ്ക്കു മുകളിൽ ആ ട്രോഫി ഉയർത്താനാണ് ആഗ്രഹിക്കുന്നത്'; ലോകകപ്പിന് മുകളിൽ കാൽ കയറ്റി വെച്ച മാർഷിനെതിരെ ഷമി

ഏകദിന ലോകകപ്പ് വിജയാഘോഷത്തിനിടെ ഓസ്ട്രേലിയന്‍ ക്രിക്കറ്റ് താരം മിച്ചൽ മാർഷൽ, ട്രോഫിയ്ക്ക് മുകളിൽ കാൽ കയറ്റി വച്ചിരിക്കുന്ന ചിത്രം സമൂഹ മാധ്യമങ്ങളിൽ വൈറലായിരിക്കുകയാണ്. ഇതോടെ വലിയ വിമര്‍ശനങ്ങളാണ് ഇപ്പോൾ ഓസീസ് താരത്തിനെതിരെ ഉയരുന്നത്. ചിത്രത്തിനെതിരെ രൂക്ഷ വിമർശനവുമായി നിരവധി ഇന്ത്യൻ ആരാധകരും രംഗത്തെത്തുന്നുണ്ട്. ഇതിൽ ലോകകപ്പിൽ ഏറ്റവും കൂടുതൽ വിക്കറ്റുകൾ വീഴ്ത്തിയ ഇന്ത്യൻ ബൗളർ മുഹമ്മദ് ഷമിയും പ്രതികരിച്ചു. തന്റെ ജന്മനാട്ടിൽ എത്തിയ ഷമി ചിത്രത്തെ കുറിച്ചുള്ള മാധ്യമപ്രവർത്തകരുടെ ചോദ്യത്തിന് മറുപടി പറയുകയായിരുന്നു. ഈ ചിത്രം തന്നെ വളരെയധികം വേദനിപ്പിച്ചു എന്ന് ഷമി മാധ്യമങ്ങളോട് വെളിപ്പെടുത്തി .