അങ്ങനെ ചേക്കേറില്ല; അൽ നസർ വിടുമെന്ന വാര്‍ത്തകള്‍ നിഷേധിച്ച് ക്രിസ്റ്റ്യാനോ റൊണാള്‍ഡോ

അടുത്ത സീസണിലും അല്‍ നസ്‌റിനുവേണ്ടി പന്തുതട്ടുമെന്ന് റൊണാള്‍ഡോ വ്യക്തമാക്കി. ‘ഈ സീസണില്‍ ഞാന്‍ പല നേട്ടങ്ങളും പ്രതീക്ഷിച്ചിരുന്നു. എന്നാൽ അതിന് സാധിച്ചില്ല. പക്ഷേ അടുത്ത സീസണില്‍ കാര്യങ്ങള്‍ മാറുമെന്ന ഉറച്ച വിശ്വാസമുണ്ട്. ഞങ്ങള്‍ മികച്ച രീതിയിൽ മുന്നോട്ട് പോകും” റൊണോൾഡോ പറയുന്നു.

അല്‍ നസ്‌റിനായി 16 മത്സരങ്ങള്‍ കളിച്ച റൊണാള്‍ഡോ 14 ഗോളുകള്‍ നേടി. സീസണില്‍ ക്ലബ്ബിന്റെ പ്രകടനം മോശമായതോടെ റൊണാള്‍ഡോ അല്‍ നസ്ര്‍ വിടുമെന്ന അഭ്യൂഹങ്ങള്‍ ശക്തമായിരുന്നു. രണ്ടര വര്‍ഷത്തെ കരാറിലാണ് റൊണാള്‍ഡോ അല്‍ നസ്‌റിലെത്തിയത്.

ഈ സീസണിന്റെ തുടക്കത്തിലാണ് റൊണോൾഡോ ക്ലബ്ബിലെത്തിയത്. സൗദി പ്രോ ലീഗില്‍ റൊണാള്‍ഡോയുടെ അല്‍ നസ്ര്‍ രണ്ടാം സ്ഥാനത്താണ് എത്തിയത്.