നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • sports
    • »
    • COVID 19 | ഒരു ലക്ഷം രൂപ നൽകി ധോണി; വളരെ കുറഞ്ഞുപോയെന്ന് നെറ്റിസൺസ്, ട്വിറ്ററിൽ ട്രോൾ ബഹളം

    COVID 19 | ഒരു ലക്ഷം രൂപ നൽകി ധോണി; വളരെ കുറഞ്ഞുപോയെന്ന് നെറ്റിസൺസ്, ട്വിറ്ററിൽ ട്രോൾ ബഹളം

    ധോണി സംഭാവന നൽകിയത് എൻ ജി ഒയ്ക്ക് ആണെന്നും മുഖ്യമന്ത്രിയുടെ ദുരിതാശ്വാസ നിധിയിലേക്ക് അല്ലെന്നും വ്യക്തമാക്കി അദ്ദേഹത്തെ പ്രതിരോധിച്ചും ട്വീറ്റുകളുണ്ട്.

    ധോണി

    ധോണി

    • News18
    • Last Updated :
    • Share this:
      കൊറോണ വൈറസ് വ്യാപനത്തിന്റെ പശ്ചാത്തലത്തിൽ പ്രധാനമന്ത്രി നരേന്ദ്ര മോദി രാജ്യത്ത് 21 ദിവസത്തെ ലോക്ക് ഡൗൺ പ്രഖ്യാപിച്ചിരിക്കുകയാണ്. ഈ സാഹചര്യത്തിൽ നിരവധിയാളുകളാണ് കൊറോണയ്ക്കെതിരെയുള്ള പോരാട്ടത്തിന് പിന്തുണയുമായി എത്തിയത്. കഴിഞ്ഞ ദിവസം ധനമന്ത്രി നിർമല സീതാരാമൻ 1.7 ലക്ഷം കോടി രൂപയുടെ സാമ്പത്തിക പാക്കേജ് പ്രഖ്യാപിച്ചിരുന്നു. മഹാമാരിക്ക് എതിരെയുള്ള പോരാട്ടത്തിൽ തന്റെ ഒരു മാസത്തെ സാലറിയാണ് അസം സർക്കാരിന് സ്‌പ്രിന്റർ ഹിമ ദാസ് നൽകിയത്. പ്രധാനമന്ത്രിയുടെയും മുഖ്യമന്ത്രിയുടെയും ദുരിതാശ്വാസ നിധിയിലേക്ക് ക്രിക്കറ്റ് ഇതിഹാസം സച്ചിൻ തെണ്ടുൽക്കർ 25 ലക്ഷം രൂപയായിരുന്നു നൽകിയത്.

       



      ഇതിനിടയിലാണ് പുനെയിലെ ഒരു എൻ ജി ഒയ്ക്ക് ക്രിക്കറ്റ് താരം എം എസ് ധോണി ഒരുലക്ഷം രൂപ നൽകിയത് ട്വിറ്ററിൽ ട്രോളുകൾക്ക് കാരണമായത്. ലോകത്തിലെ ഏറ്റവും സമ്പന്നനായ ക്രിക്കറ്റർ ഒരു ലക്ഷം രൂപ മാത്രം സംഭാവനയായി നൽകിയതാണ് നെറ്റിസൺസിന് പിടിക്കാതെ പോയത്.

       



      പന്ത്രണ്ടാം ക്ലാസിൽ പഠിക്കുന്ന കുട്ടി വരെ അവളുടെ സമ്പാദ്യത്തിൽ നിന്ന് പ്രധാനമന്ത്രിയുടെ ദുരിതാശ്വാസ നിധിയിലേക്ക് 2.5 ലക്ഷം രൂപ സംഭാവനയായി നൽകിയിട്ടുണ്ട്. അതേസമയം, ധോണി സംഭാവന നൽകിയത് എൻ ജി ഒയ്ക്ക് ആണെന്നും മുഖ്യമന്ത്രിയുടെ ദുരിതാശ്വാസ നിധിയിലേക്ക് അല്ലെന്നും വ്യക്തമാക്കി അദ്ദേഹത്തെ പ്രതിരോധിച്ചും ട്വീറ്റുകളുണ്ട്.

       



      ബാഡ്മിന്റൺ താരം പി വി സിന്ധു ദുരിതാശ്വാസ നിധിയിലേക്ക് പത്തുലക്ഷം രൂപ നൽകിയിരുന്നു. മുൻ ക്രിക്കറ്റ് താരവും ബി സി സി ഐ പ്രസിഡന്റുമായ സൗരവ് ഗാംഗുലി 50 ലക്ഷം രൂപയുടെ അരി ആയിരുന്നു സംഭാവന നൽകിയത്.

       

      First published:
      )}