ഇന്ത്യ-പാകിസ്ഥാന്‍ ചാംപ്യന്‍സ് ട്രോഫി മത്സരത്തിനിടെ ശ്രദ്ധ നേടിയത് ഹാര്‍ദിക് പാണ്ഡ്യയുടെ ഏഴ് കോടിയുടെ ആഡംബര വാച്ച്‌

ദുബായിലെ ഇന്റര്‍നാഷണല്‍ സ്‌റ്റേഡിയത്തില്‍വെച്ച് ഞായറാഴ്ച നടന്ന ചാംപ്യന്‍സ് ട്രോഫി മത്സരത്തില്‍ ഇന്ത്യ പാകിസ്ഥാനെ ആറ് വിക്കറ്റിന് തോല്‍പ്പിച്ച് ഗംഭീര മത്സരമാണ് കാഴ്ചവെച്ചത്. ഇന്ത്യയുടെ ഓള്‍റൗഡര്‍ ഹാര്‍ദിക് പാണ്ഡ്യയാണ് പാകിസ്ഥാന്റെ വിക്കറ്റുകള്‍ വീഴുത്തുന്നതിന് തുടക്കമിട്ടത്. എന്നാല്‍, മത്സരത്തിനിടെ ക്രിക്കറ്റ് ആരാധകരുടെ ശ്രദ്ധ മുഴുവന്‍ ഹാര്‍ദിക് പാണ്ഡ്യയുടെ വാച്ചിലായിരുന്നു. റിച്ചാര്‍ഡ് മില്‍ എന്ന കമ്പനിയുടെ ടൂര്‍ബില്യന്‍ റാഫേല്‍ നദാന്‍ സ്‌കെല്‍ട്ടന്‍ ഡയല്‍ എഡിഷന്‍ വാച്ചാണ് ഹാര്‍ദിക് കയ്യില്‍ കെട്ടിയിരുന്നത്.