പാകിസ്ഥാന് വീണ്ടും തിരിച്ചടി; മാച്ച് റഫറിയെ മാറ്റണമെന്ന ആവശ്യം അന്താരാഷ്ട്ര ക്രിക്കറ്റ് കൗൺസിൽ തള്ളി

ഏഷ്യാ കപ്പിൽ യുഎഇക്കെതിരെ നിർണായക ഗ്രൂപ്പ് ഘട്ട മത്സരത്തിന് മുന്നോടിയായി മാച്ച് റഫറി ആൻഡി പൈക്രോഫ്റ്റിനെ പാനലിൽ നിന്ന് മാറ്റണമെന്ന പാകിസ്ഥാൻ ക്രിക്കറ്റ് ബോർഡിന്റെ ആവശ്യം അന്താരാഷ്ട്ര ക്രിക്കറ്റ് കൗൺസിൽ (ഐസിസി) തള്ളിയതായി റിപ്പോർട്ട്. ഞായറാഴ്ച ഇന്ത്യക്കെതിരായ ഏഷ്യാ കപ്പ് മത്സരത്തിലെ ടോസിന് മുന്നോടിയായി ഇന്ത്യൻ ക്യാപ്റ്റൻ സൂര്യകുമാർ യാദവുമായി ഹസ്തദാനം ചെയ്യരുതെന്ന് പാകിസ്ഥാൻ ക്യാപ്റ്റൻ സൽമാൻ അലി ആഗയോട് മാച്ച് റഫറി ആൻഡി പൈക്രോഫ്റ്റ് നിർദേശിച്ചുവെന്ന് ആരോപിച്ച് പാകിസ്ഥാൻ ക്രിക്കറ്റ് ബോർഡ് ഐസിസിക്ക് പരാതി നൽകിയിരുന്നു.