'എന്‍റെ വോട്ട് അവന്'; ന്യൂസിലാൻഡർ ഓഫ് ദ ഇയർ അവാർഡിനെക്കുറിച്ച് ബെൻ സ്റ്റോക്ക്സ്; അഭിനന്ദിച്ച് ICC

ദുബായ്: ഇംഗ്ലീഷ് ഓൾ റൌണ്ടർ ബെൻ സ്റ്റോക്ക്സിനെ ന്യൂസിലാൻഡർ ഓഫ് ദ ഇയർ പുരസ്ക്കാരത്തിന് പരിഗണിക്കുന്നതായുള്ള വാർത്ത േറെ വൈറലായിരുന്നു. ന്യുസിലാൻഡിൽ ജനിച്ചുവളർന്ന് ഇംഗ്ലണ്ടിലേക്ക് കുടിയേറിയ ക്രിക്കറ്റ് താരമായതുകൊണ്ടാണ് ബെൻ സ്റ്റോക്ക്സിനെ അവാർഡിന് പരിഗണിച്ചത്. ഇത്തവണ ലോകകപ്പിൽ മികച്ച ഓൾ റൌണ്ട് പ്രകടനം നടത്തിയ സ്റ്റോക്ക്സ് ഫൈനലിൽ മാൻ ഓഫ് ദ മാച്ച് ആയിരുന്നു. എന്നാൽ ന്യൂസിലാൻഡർ ഓഫ് ദ ഇയർ പുരസ്ക്കാരത്തെക്കുറിച്ചുള്ള ബെൻ സ്റ്റോക്ക്സിന്‍റെ പുതിയ പ്രതികരണത്തെ അഭിനന്ദിച്ച് രംഗത്തെത്തിയിരിക്കുകയാണ് ഐസിസി. ന്യൂസിലാൻഡ് നായകൻ കെയ്ൻ വില്യംസണാണ് പുരസ്ക്കാരത്തിന് അർഹനെന്നും തന്‍റെ വോട്ട് അദ്ദേഹത്തിനായിരിക്കുമെന്നുമാണ് ബെൻ സ്റ്റോക്ക്സ് പറയുന്നത്.