'എന്റെ വോട്ട് അവന്'; ന്യൂസിലാൻഡർ ഓഫ് ദ ഇയർ അവാർഡിനെക്കുറിച്ച് ബെൻ സ്റ്റോക്ക്സ്; അഭിനന്ദിച്ച് ICC
Last Updated:
ഇംഗ്ലീഷ് താരത്തിന്റെ ഈ നിലപാട് #SpiritOfCricket എന്ന ഹാഷ് ടാഗോടെയാണ് ഐസിസി ട്വീറ്റ് ചെയ്തത്...
ദുബായ്: ഇംഗ്ലീഷ് ഓൾ റൌണ്ടർ ബെൻ സ്റ്റോക്ക്സിനെ ന്യൂസിലാൻഡർ ഓഫ് ദ ഇയർ പുരസ്ക്കാരത്തിന് പരിഗണിക്കുന്നതായുള്ള വാർത്ത േറെ വൈറലായിരുന്നു. ന്യുസിലാൻഡിൽ ജനിച്ചുവളർന്ന് ഇംഗ്ലണ്ടിലേക്ക് കുടിയേറിയ ക്രിക്കറ്റ് താരമായതുകൊണ്ടാണ് ബെൻ സ്റ്റോക്ക്സിനെ അവാർഡിന് പരിഗണിച്ചത്. ഇത്തവണ ലോകകപ്പിൽ മികച്ച ഓൾ റൌണ്ട് പ്രകടനം നടത്തിയ സ്റ്റോക്ക്സ് ഫൈനലിൽ മാൻ ഓഫ് ദ മാച്ച് ആയിരുന്നു. എന്നാൽ ന്യൂസിലാൻഡർ ഓഫ് ദ ഇയർ പുരസ്ക്കാരത്തെക്കുറിച്ചുള്ള ബെൻ സ്റ്റോക്ക്സിന്റെ പുതിയ പ്രതികരണത്തെ അഭിനന്ദിച്ച് രംഗത്തെത്തിയിരിക്കുകയാണ് ഐസിസി. ന്യൂസിലാൻഡ് നായകൻ കെയ്ൻ വില്യംസണാണ് പുരസ്ക്കാരത്തിന് അർഹനെന്നും തന്റെ വോട്ട് അദ്ദേഹത്തിനായിരിക്കുമെന്നുമാണ് ബെൻ സ്റ്റോക്ക്സ് പറയുന്നത്.
ഇംഗ്ലീഷ് താരത്തിന്റെ ഈ നിലപാട് #SpiritOfCricket എന്ന ഹാഷ് ടാഗോടെയാണ് ഐസിസി ട്വീറ്റ് ചെയ്തത്. ഏതൊരു സാഹചര്യത്തിലും സമചിത്തതയോടെയും വിനയത്തോടെയുമാണ് വില്യംസൺ പെരുമാറുന്നതെന്ന് സ്റ്റോക്ക്സ് ചൂണ്ടിക്കാട്ടി. പുരസ്ക്കാരത്തിന് അർഹൻ അദ്ദേഹമാണ്, തന്റെ വോട്ട് വില്യംസണ് ആയിരിക്കും- സ്റ്റോക്ക്സ് പറയുന്നു.
"He shows humility and empathy to every situation and is an all-round good bloke. He deserves it and gets my vote" – Ben Stokes bats for Kane Williamson in New Zealander of the Year award 👏#SpiritOfCricket pic.twitter.com/YglFuuL33O
— ICC (@ICC) July 23, 2019
advertisement
ക്രിക്കറ്റ് ആരാധകർ ഐസിസിയുടെ ഈ ട്വിറ്റ് ഏറ്റെടുത്തതോടെ സംഗതി വൈറലായി. വില്യംസണെയും സ്റ്റോക്ക്സിനെയും അഭിനന്ദിച്ച് നിരവധിപ്പേരാണ് രംഗത്തെത്തുന്നത്. രണ്ടുപേരും മികച്ച ക്രിക്കറ്റർമാരാണെന്നാണ് ഭൂരിഭാഗം പേരും അഭിപ്രായപ്പെടുന്നത്. ഇതിനിടയിൽ ഫൈനലിലെ സൂപ്പർ ഓവർ വിവാദത്തിൽ ഐസിസിയെ വിമർശിക്കുന്നവരുമുണ്ട്.
ഏറ്റവും പുതിയ സ്പോർട്സ് വാർത്തകൾ, ലൈവ് സ്കോർ അപ്ഡേറ്റുകൾ, മത്സര ഫലങ്ങൾ എല്ലാം അറിയാൻ News18 മലയാളത്തിനൊപ്പം വരൂ
Location :
First Published :
July 23, 2019 5:42 PM IST
മലയാളം വാർത്തകൾ/ വാർത്ത/Sports/
'എന്റെ വോട്ട് അവന്'; ന്യൂസിലാൻഡർ ഓഫ് ദ ഇയർ അവാർഡിനെക്കുറിച്ച് ബെൻ സ്റ്റോക്ക്സ്; അഭിനന്ദിച്ച് ICC
