ശ്രീലങ്കൻ പര്യടനം: മൂന്നാം നിര ടീമിനെ അയച്ചാലും പരമ്പര ഇന്ത്യ നേടുമെന്ന് കമ്രാൻ അക്മൽ

ഇന്ത്യന്‍ ക്രിക്കറ്റ് ടീം നിലവിൽ അവരുടെ ഏറ്റവും മികച്ച സമയത്തിലൂടെയണ് കടന്നു പോകുന്നത്. കളിക്കുന്ന മത്സരങ്ങളിൽ ടീമിന് മികച്ച പ്രകടനങ്ങൾ നടത്താൻ കഴിയുന്നുണ്ട്. അതിനു പുറമെ ടീമിന് വേണ്ടി കളിക്കാൻ യുവതാരങ്ങളുടെ ഒരു മികച്ച നിര തന്നെയുണ്ട്. ടീമിൽ അവസരം കിട്ടുന്ന താരങ്ങൾ അവരുടെ കഴിവുകൾ വളരെ മികച്ച രീതിയിൽ പുറത്തെടുത്ത് ടീമിന് വിജയങ്ങൾ നേടി കൊടുക്കുവാൻ ശ്രമിക്കുന്നു. ഇന്ത്യയുടെ ഈ മികവിന് ലോകമെമ്പാടുമുള്ള ക്രിക്കറ്റ് പ്രേമികളും ക്രിക്കറ്റ് താരങ്ങളും വിദഗ്ധരും പുകഴ്ത്തലുകളും പ്രശംസകളും ആയി രംഗത്ത് വരുന്നുണ്ട്. ഇപ്പോഴിതാ ഇന്ത്യയുടെ മികവിനെ വാനോളം പുകഴ്ത്തിയിരിക്കുകയാണ് ഇന്ത്യയുടെ ചിരവൈരിയായ പാകിസ്ഥാന്റെ മുൻ ഓപ്പണറും വിക്കറ്റ് കീപ്പറുമായ കമ്രാന്‍ അക്മല്‍.