'ഒടുവില്‍ കുംബ്ലെയുടെ വഴിയെ'; മൂന്നാം ടെസ്റ്റ് മുന്‍ പരിശീലകന്‍ പറഞ്ഞ താരങ്ങളുമായി

മെല്‍ബണ്‍: ഓസീസിനെതിരായ മൂന്നാം ക്രിക്കറ്റ് ടെസ്റ്റിനുള്ള ടീമിനെ ഇന്ത്യ പ്രഖ്യാപിച്ച് കഴിഞ്ഞു. മത്സരത്തിനുള്ള അന്തിമ ഇലവനെ തന്നെയാണ് ഇന്ത്യന്‍ മാനേജ്‌മെന്റ് പ്രഖ്യാപിച്ചിരിക്കുന്നത്. രണ്ടാം ടെസ്റ്റില്‍ ഉടലെടുത്ത വിവാദങ്ങളുടെ പശ്ചാത്തലത്തില്‍ മൂന്നാം മത്സരത്തില്‍ തീപാറുമെന്നുറപ്പാണ്. രണ്ടാം ടെസ്റ്റില്‍ കനത്ത പരാജയമേറ്റ ഇന്ത്യക്ക് നാളെതുടങ്ങുന്ന മത്സരത്തില്‍ ശക്തമായ തിരിച്ചുവരവ് ആവശ്യമാണ്. ഇതിനനുസരിച്ചുള്ള മാറ്റങ്ങള്‍ ഇന്ത്യന്‍ ടീം വരുത്തിയിട്ടുമുണ്ട്.