'ഒരിക്കലും പ്രതീക്ഷിക്കാത്ത ഫലം; കൂട്ടായ പരാജയം; പക്ഷേ പോസ്റ്റുമോർട്ടത്തിന്റെ ആവശ്യമില്ല': രോഹിത് ശർമ

പൂനെ: ന്യൂസീലൻഡിനെതിരായ ടെസ്റ്റ് പരമ്പര നഷ്ടമായതിൽഎല്ലാവർക്കും ഉത്തരവാദിത്തമുണ്ടെന്ന് ക്യാപ്റ്റൻ രോഹിത് ശർമ. മത്സരത്തിനു ശേഷം മാധ്യമങ്ങളോടു സംസാരിക്കുകയായിരുന്നു രോഹിത്. ആവശ്യത്തിന് റൺസ് കൂട്ടിച്ചേർക്കാൻ ബാറ്റർമാർക്കു സാധിച്ചില്ലെന്നും രോഹിത് ശര്‍മ പ്രതികരിച്ചു. രണ്ടാം ടെസ്റ്റ് 113 റൺസിന് ജയിച്ചതോടെ, മൂന്നു മത്സരങ്ങളുള്ള പരമ്പര ന്യൂസീലൻഡ് 2-0ന് സ്വന്തമാക്കിയിരുന്നു. ഇന്ത്യൻ മണ്ണിൽ ആദ്യമായാണ് ന്യൂസീലൻഡ് ടെസ്റ്റ് പരമ്പര നേടുന്നത്.