India's T20 World Cup Squad: ടി20 ലോകകപ്പിനുള്ള ഇന്ത്യൻ ടീമിനെ പ്രഖ്യാപിച്ചു; ധവാനെ ഒഴിവാക്കി അശ്വിൻ ടീമിൽ; ധോണി ഉപദേഷ്ടാവ്

മുംബൈ: ടി20 ലോകകപ്പിനുള്ള ഇന്ത്യൻ ടീമിനെ പ്രഖ്യാപിച്ചു. ശിഖർ ധവാനും യുസ്വേന്ദ്ര ചഹലും ടീമിൽ ഇല്ല എന്നതാണ് ഏറ്റവും വലിയ പ്രത്യേകത. ആർ അശ്വിൻ, വരുൺ ചക്രവർത്തി, രാഹുൽ ചഹർ എന്നിവരും, ശ്രേയസ് അയ്യർ, ഷാർദുൽ താക്കൂർ, ദീപക് ചാഹർ എന്നിവരെ സ്റ്റാൻഡ്ബൈ കളിക്കാരായും ടീമിൽ ഉൾപ്പെടുത്തിയിട്ടുണ്ട്. "ടി 20 ലോകകപ്പിനായി ടീമിന്‍റെ ഉപദേഷ്ടാവായി മുൻ ഇന്ത്യൻ ക്യാപ്റ്റൻ എം എസ് ധോണിയെ ഉൾപ്പെടുത്തിയിട്ടുണ്ട്" - ടീം പ്രഖ്യാപന വേളയിൽ ബി സി സി ഐ സെക്രട്ടറി ജയ് ഷാ പറഞ്ഞു. അതേസമയം മലയാളി താരം സഞ്ജു വി സാംസണെ ടീമിലേക്ക് പരിഗണിച്ചില്ല.