IPL Schedule 2023 | ഐപിഎല് മാര്ച്ച് 31 മുതല്; ആദ്യ മത്സരം ഗുജറാത്ത് ടൈറ്റന്സ്-ചെന്നൈ സൂപ്പര് കിംഗ്സ്
- Published by:Jayesh Krishnan
- news18-malayalam
Last Updated:
ആകെ 70 ലീഗ് മത്സരങ്ങള് നടക്കും. ഇതില് 18 ദിനങ്ങളില് രണ്ട് മത്സരം വീതമുണ്ട്.
ഇന്ത്യന് പ്രീമിയര് ലീഗിന്റെ പതിനാറാം സീസണിന് മാര്ച്ച് 31ന് അഹമ്മദാബാദില് തുടക്കമാകും. അഹമ്മദാബാദിലെ നരേന്ദ്ര മോദി സ്റ്റേഡിയത്തില് ഗുജറാത്ത് ടൈറ്റന്സ്-ചെന്നൈ സൂപ്പര് കിംഗ്സ് മത്സരത്തോടെയാണ് ഐപിഎൽ 2023ന് ആരംഭിക്കുക. മാര്ച്ച് 31ന് ഇന്ത്യന് സമയം രാത്രി 7.30നാണ് മത്സരം ആരംഭിക്കുക.
അഹമ്മദാബാദിന് പുറമെ, ലഖ്നൗ, ഗുവാഹത്തി, മൊഹാലി, ദില്ലി, കൊല്ക്കത്ത, ജയ്പൂര്, മുംബൈ, ചെന്നൈ, ബെംഗളൂരു, ഹൈദരാബാദ്, ധരംശാല എന്നിവ ഐപിഎല് മത്സരങ്ങള്ക്ക് വേദിയാവും. മെയ് 28ന് ഐപിഎല് കലാശപ്പോരിനും അഹമ്മദാബാദ് സ്റ്റേഡിയമാവും വേദിയാവുക.
ആകെ 70 ലീഗ് മത്സരങ്ങള് നടക്കും. ഇതില് 18 ദിനങ്ങളില് രണ്ട് മത്സരം വീതമുണ്ട്. ലീഗ് ഘട്ടത്തില് എല്ലാ ടീമികളും ഏഴ് വീതം ഹോം, എവേ മത്സരങ്ങള് കളിക്കും. മെയ് 21ഓടെ ലീഗ് ഘട്ടം അവസാനിക്കും.
advertisement
Full schedule of IPL 2023. pic.twitter.com/9WdSMFejBG
— Johns. (@CricCrazyJohns) February 17, 2023
അഞ്ച് ടീമുകള് വീതമുള്ള രണ്ട് ഗ്രൂപ്പുകളായാണ് ഇത്തവണത്തെ ഐപിഎല് മത്സരങ്ങള്. ഗ്രൂപ്പ് എയില് മുംബൈ ഇന്ത്യന്സ്, രാജസ്ഥാന് റോയല്സ്, കൊല്ക്കത്ത നൈറ്റ് റൈഡേഴ്സ്, ഡല്ഹി ക്യാപിറ്റല്സ്, ലഖ്നൗ സൂപ്പര് ജയന്റ്സ് ടീമുകളാണുള്ളത്. ഗ്രൂപ്പ് ബിയില് വരുന്നത് ചെന്നൈ സൂപ്പര് കിംഗ്സും പഞ്ചാബ് കിംഗ്സും സണ്റൈസേഴ്സ് ഹൈദരാബാദും, റോയല് ചലഞ്ചേഴ്സ് ബാംഗ്ലൂരും ഗുജറാത്ത് ടൈറ്റന്സുമാണ്.
Click here to add News18 as your preferred news source on Google. ഏറ്റവും പുതിയ സ്പോർട്സ് വാർത്തകൾ, ലൈവ് സ്കോർ അപ്ഡേറ്റുകൾ, മത്സര ഫലങ്ങൾ എല്ലാം അറിയാൻ News18 മലയാളത്തിനൊപ്പം വരൂ
Location :
New Delhi,Delhi
First Published :
Feb 17, 2023 6:19 PM IST
മലയാളം വാർത്തകൾ/ വാർത്ത/Sports/
IPL Schedule 2023 | ഐപിഎല് മാര്ച്ച് 31 മുതല്; ആദ്യ മത്സരം ഗുജറാത്ത് ടൈറ്റന്സ്-ചെന്നൈ സൂപ്പര് കിംഗ്സ്
