'വീണ്ടും പടിക്കല്‍ കലമുടച്ചു'; രണ്ടു ഗോളിന് മുന്നില്‍ നിന്നിട്ടും സമനില വഴങ്ങി ബ്ലാസ്‌റ്റേഴ്‌സ്

ബെംഗളൂരു: ഐഎസ്എല്ലില്‍ കേരളാ ബ്ലാസ്‌റ്റേഴ്‌സിന് വീണ്ടും സമനില. ബെംഗളൂരു എഫ്‌സിയുമായി നടന്ന മത്സരത്തില്‍ ആദ്യ പകുതിയില്‍ രണ്ടു ഗോളിനു മുന്നിട്ട് നിന്ന ബ്ലാസ്റ്റേഴ്‌സ് രണ്ടാം പകുതിയില്‍ രണ്ടു ഗോളുകള്‍ വഴങ്ങിയാണ് സമനിലയില്‍ പിരിഞ്ഞത്. സ്ലാവിസ സ്റ്റൊജാനോവിച്ച്, കറേജ് പെകുസണ്‍ എന്നിവരാണ് കേരളത്തിനായ് വലകുലുക്കിയത്. ബെംഗളൂരു നിരയില്‍ ഉദാന്ത സിങ്ങും നായകന്‍ സുനില്‍ ഛേത്രിയുമാണ് സ്‌കോറര്‍മാര്‍.