'എന്തുകൊണ്ട് എന്നെ തഴയുന്നു'; ലേലത്തിനെതിരെ സൂപ്പര്‍ താരം

2011 ല്‍ ഇന്ത്യയ്ക്കായി സെഞ്ച്വറി നേടിയ ശേഷം 14 മത്സരങ്ങളില്‍ പുറത്തിരിക്കേണ്ടി വന്ന കാര്യവും തിവാരി ട്വീറ്റില്‍ സൂചിപ്പിക്കുന്നുണ്ട്. 2016 ല്‍ ഒഴികെ ഐപിഎല്ലിന്റെ എല്ലാ സീസണുകളിലും കളിച്ച താരമാണ് മനോജ് തിവാരി. ബംഗാളിന്റെ നായകനായ 33 കാരന്‍ ഡല്‍ഹി, കൊല്‍ക്കത്ത, പൂനെ, പഞ്ചാബ് എന്നീ ടീമുകള്‍ക്കായ് കളിച്ചിട്ടുണ്ട്.

2017ലെ ഐപിഎല്‍ സീസണില്‍ പൂനെ സൂപ്പര്‍ ജെയന്റ്സിനായി 15 മത്സരങ്ങളില്‍ നിന്ന് 324 റണ്‍സാണ് തിവാരി അടിച്ചുകൂട്ടിയത്. നിലവില്‍ രഞ്ജി ട്രോഫിയിലും ബംഗാളിനായി മികച്ച പ്രകടനം താരം കാഴ്ചവെച്ചിരുന്നു. ഇത്തവണത്തെ താരലേലത്തില്‍ നേട്ടമുണ്ടാക്കുമെന്ന കരുതിയ ഇന്ത്യന്‍ താരങ്ങളില്‍ ഒരാളുമായിരുന്നു തിവാരി. ഇന്നലത്തെ പോസ്റ്റിനു പിന്നാലെ ഇന്ന് വീണ്ടും തന്റെ നിലപാട് വ്യക്തമാക്കി തിവാരി ട്വിറ്ററില്‍ രംഗത്തെത്തിയിരുന്നു.