ഉടന്‍ കാണാമെന്ന് രോഹിതിനോട് യുവി; സന്തോഷം പങ്കുവെച്ചുള്ള ട്വീറ്റ് വൈറലാകുന്നു

ജയ്പൂര്‍: ഐപിഎല്‍ താരലേലത്തിന്റെ ഒന്നാംഘട്ടത്തില്‍ യുവരാജ് സിങ്ങിനായി ടീമുകളൊന്നും രംഗത്തെത്താതിരുന്നത് ആരാധകരെ ഞെട്ടിച്ചിരുന്നു. ഒരു കോടി രൂപ അടിസ്ഥാന വില നിശ്ചയിച്ചിരുന്ന താരത്തെ ആദ്യം ടീമുകളെല്ലാം കൈയ്യൊഴിഞ്ഞെങ്കിലും രണ്ടാംഘട്ടത്തില്‍ ഒരുകോടി രൂപ നല്‍കി മുംബൈ ഇന്ത്യന്‍സ് ടീമിലെത്തിക്കുകയും ചെയ്തു. രോഹിത് ശര്‍മ നയിക്കുന്ന ടീമിലേക്കുള്ള യുവിയുടെ വരവ് ആരാധകര്‍ ആഘോഷമാക്കിയിരിക്കുകയാണ്.