Mohsin Naqvi| ആരാണ് മൊഹ്‌സിൻ നഖ്‌വി? ഇന്ത്യയുടെ ഏഷ്യാ കപ്പ് ട്രോഫിയുമായി കടന്നുകളഞ്ഞ എസിസി മേധാവിയും പാക് മന്ത്രിയും

വേദിയിൽ ഉറച്ചുനിന്ന നഖ്‌വിയിൽ നിന്ന് ട്രോഫി സ്വീകരിക്കാൻ വിസമ്മതിച്ചതിനെത്തുടർന്ന്, ട്രോഫി ഇല്ലാതെ തന്നെ വിജയികൾ അവരുടെ കിരീടധാരണം ആഘോഷിച്ച് സമ്മാനദാന ചടങ്ങ് അവസാനിപ്പിച്ചു.

രണ്ടാഴ്ചത്തെ ഇടവേളയിൽ മൂന്നാം തവണയും പാകിസ്ഥാനെ തോൽപ്പിച്ചാണ് ഇന്ത്യ ഒൻപതാമത് ഏഷ്യാ കപ്പ് കിരീടം സ്വന്തമാക്കിയത്.

സമ്മാനദാന ചടങ്ങ് തുടങ്ങുന്നതിനുമുമ്പ് വലിയ തർക്കങ്ങൾ നടന്നു. ഒരു മണിക്കൂറിലധികം അനിശ്ചിതത്വം നിലനിന്നു. ട്രോഫി നൽകേണ്ടിയിരുന്ന മറ്റ് വിശിഷ്ടാതിഥികൾക്കൊപ്പം പിസിബി മേധാവി വേദിയിൽ നിന്നു. ഇന്ത്യൻ ടീം അടുത്ത് നിലയുറപ്പിച്ചു, പാകിസ്ഥാൻ‌ ടീം ഡ്രെസ്സിങ് റൂമിലായിരുന്നു. റിപ്പോർട്ടുകൾ പ്രകാരം, പാക് മന്ത്രിയായിരിക്കും ട്രോഫി കൈമാറുകയെന്ന് ഇന്ത്യക്കാരെ അറിയിച്ചപ്പോൾ, അദ്ദേഹവുമായി ഇടപെടാൻ താൽപ്പര്യമില്ലെന്ന് പറഞ്ഞ് അവർ അത് നിരസിച്ചു.

ഈ വിചിത്രമായ സംഭവവികാസങ്ങളോട് പ്രതികരിച്ച ബിസിസിഐ, ട്രോഫിയുമായി കടന്നുകളഞ്ഞ എസിസി ചെയർമാനെതിരെ നവംബറിൽ നടക്കുന്ന അടുത്ത ഐസിസി യോഗത്തിൽ 'വളരെ ശക്തമായ പ്രതിഷേധം' രേഖപ്പെടുത്തുമെന്ന് അറിയിച്ചു.

രാജ്യത്തിനെതിരെ "യുദ്ധം ചെയ്യുന്ന" ഒരാളിൽ നിന്ന് ഇന്ത്യക്ക് ട്രോഫി സ്വീകരിക്കാൻ കഴിയില്ലെന്ന് പറഞ്ഞ് ബിസിസിഐ സെക്രട്ടറി ദേവജിത് സൈകിയ ടീമിന്റെ നടപടയെ ന്യായീകരിച്ചു.