'പോരിനൊരുങ്ങുന്നു' മായങ്ക് മര്‍ക്കണ്ഡെയെ വിട്ടു നല്‍കി ഡല്‍ഹിയുടെ വിന്‍ഡീസ് താരത്തെ സ്വന്തമാക്കി മുംബൈ ഇന്ത്യന്‍സ്

മായങ്ക് അഗര്‍വാളിനെ ഡല്‍ഹിക്ക് വിട്ടുനല്‍കി വിന്‍ഡീസ് യുവതാരം ഷെര്‍ഫോന്‍ റുഥര്‍ഫോഡിനെ ക്യാംപിലെത്തിച്ചിരിക്കുകയാണ് മുംബൈ ഇന്ത്യന്‍സ്. താരകൈമാറ്റം സംബന്ധിച്ച് മുംബൈ ഫ്രാഞ്ചൈസി ഔദ്യോദികമായി ട്വീറ്റ് ചെയ്തിട്ടുമുണ്ട്.

17 ഐപിഎല്‍ മത്സരങ്ങളില്‍ നിന്ന് 16 വിക്കറ്റാണ് മായങ്കിന്റെ സമ്പാദ്യം. ഇന്ത്യക്കായി ഒരു ടി20 മത്സരവും താരം കളിച്ചിട്ടുണ്ട്. ഇരുപതുകാരനായ റുഥര്‍ഫോര്‍ഡ് വിന്‍ഡീസിനായി ഒരു മത്സരം കളിച്ചിട്ടുണ്ട്. വലങ്കയ്യന്‍ മീഡിയം പേസറായ താരം പവര്‍ ഹിറ്ററാണെന്നത് മുംബൈക്ക് ഗുണം ചെയ്യും. കഴിഞ്ഞ സീസണില്‍ ഐപിഎല്ലില്‍ അരങ്ങേറിയ താരം ഏഴ് മത്സരങ്ങളില്‍ നിന്ന് 73 റണ്‍സും ഒരുവിക്കറ്റും നേടിയിട്ടുണ്ട്.