വെടിക്കെട്ടിനിടെ ഫ്ലഡ് ലൈറ്റിൽ തീപിടിച്ചു; പാകിസ്ഥാൻ സൂപ്പർ ലീഗ് ക്രിക്കറ്റിലെ ഉദ്ഘാടന മത്സരം വൈകി

ഫ്ലഡ് ലൈറ്റിൽ തീപടരുന്ന വിഡിയോ ദൃശ്യങ്ങളും പുറത്തുവന്നിട്ടുണ്ട്. ആവേശകരമായ മത്സരത്തിൽ മുൾട്ടാൻ സുൽത്താൻസിനെ ലാഹോർ ടീം ഒരു റൺസിന് പരാജയപ്പെടുത്തി. കളിയുടെ ടോസിനു മുൻപു തന്നെ ലൈറ്റിലെ തീ ശ്രദ്ധയിൽപെട്ടു. അഗ്നിരക്ഷാ സേന ഉദ്യോഗസ്ഥരെത്തിയാണ് തീ കെടുത്തിയത്. തുടർന്നു ഫ്ലഡ് ലൈറ്റും ശരിയാക്കിയ ശേഷമാണു കളി തുടങ്ങിയത്.

Also Read- വനിതാ ട്വന്‍റി 20 ലോകകപ്പില്‍ തുടര്‍ച്ചയായ രണ്ടാം ജയവുമായി ഇന്ത്യ; വെസ്റ്റ് ഇൻഡീസിനെ 6 വിക്കറ്റിന് തോൽപ്പിച്ചു

സംഭവത്തിൽ ആർക്കും പരുക്കേറ്റതായി വിവരമില്ല. മത്സരത്തിൽ ടോസ് നേടിയ മുൾട്ടാൻ‌ ലാഹോറിനെ ബാറ്റിങ്ങിന് വിടുകയായിരുന്നു. ആറു വിക്കറ്റു നഷ്ടത്തിൽ 175 റൺസാണു ലാഹോർ നേടിയത്. ആറു വിക്കറ്റ് നഷ്ടത്തിൽ 174 റൺസെടുക്കാനാണ് മുൾട്ടാൻ സുൽത്താൻസിനു സാധിച്ചത്. അവസാന പന്തിൽ ജയിക്കാൻ ആറ് റൺസാണ് മുൾട്ടാൻ സുൽത്താൻസിന് വേണ്ടിയിരുന്നത്. എന്നാൽ, ഖുഷ്ദിൽ ഷായ്ക്ക് അവസാന പന്തിൽ ബൗണ്ടറി നേടാനേ കഴിഞ്ഞുള്ളൂ. ഇതോടെ ലാഹോർ ഒരു റൺസിന് ജയിച്ചു.

English Summary: The first match of the 2023 season of the PSL had to be delayed because a portion of the floodlights at the Multan Cricket Stadium caught fire due to the fireworks from the opening ceremony.