Paris Olympics 2024 | ഇന്ത്യക്ക് മൂന്നാം മെഡല്; ഷൂട്ടിംഗില് സ്വപ്നില് കുസാലെക്ക് വെങ്കലം
- Published by:Vishnupriya S
- news18-malayalam
Last Updated:
പുരുഷ വിഭാഗം 50 മീറ്റര് റൈഫിള് 3 പൊസിഷനില് വെങ്കലം നേടിയ സ്വപ്നില് കുസാലെയാണ് ഇന്ത്യക്ക് മൂന്നാം മെഡല് സമ്മാനിച്ചത്
പാരീസ് ഒളിംപിക്സില് ഇന്ത്യക്ക് മൂന്നാം മെഡല്. ഷൂട്ടിംഗില് സ്വപ്നില് കുസാലെ വെങ്കലം നേടി. പുരുഷ വിഭാഗം 50 മീറ്റര് റൈഫിള് 3 പൊസിഷനില് വെങ്കലം നേടിയ സ്വപ്നില് കുസാലെയാണ് ഇന്ത്യക്ക് മൂന്നാം മെഡല് സമ്മാനിച്ചത്. ഷൂട്ടിംഗില് ഇന്ത്യ നേടുന്ന മൂന്നാം മെഡലാണ് ഇത്. ഒളിംപ്കിസ് ചരിത്രത്തില് 50 മീറ്റര് റൈഫില് 3 പൊസിഷനില് ഇന്ത്യ നേടുന്ന ആദ്യ മെഡല് കൂടിയാണ് സ്വപ്നില് സ്വന്തമാക്കിയത്.
15 ഷോട്ടുകള് വീതമുള്ള മൂന്ന് റൗണ്ടുകളുള്ള ഫൈനലില് ആദ്യ റൗണ്ടുകളില് അഞ്ചാമതും ആറാമതുമായിരുന്ന സ്വപ്നില് അവസാന റൗണ്ടിലാണ് 451.4 പോയന്റുമായി മൂന്നാം സ്ഥാനത്തേക്ക് കയറിയത്. 463.6 പോയന്റ് നേടിയ ചൈനയുടെ വൈ കെ ലിയൂ സ്വര്ണവും 461.3 പോയന്റ് നേടിയ യുക്രൈനിന്റെ എസ് കുലിഷ് വെള്ളിയും നേടി. നേരത്തെ വനിതകളുടെ 10 മീറ്റര് എയര് പിസ്റ്റൾ വ്യക്തിഗത ഇനത്തില് മനു ഭാക്കറും ടീം ഇനത്തില് മനുഭാക്കര്-സരബ്ജോത് സിംഗുമാണ് ഇന്ത്യക്ക് വെങ്കലം സമ്മാനിച്ചത്.
Click here to add News18 as your preferred news source on Google. ഏറ്റവും പുതിയ സ്പോർട്സ് വാർത്തകൾ, ലൈവ് സ്കോർ അപ്ഡേറ്റുകൾ, മത്സര ഫലങ്ങൾ എല്ലാം അറിയാൻ News18 മലയാളത്തിനൊപ്പം വരൂ
Location :
New Delhi,Delhi
First Published :
Aug 01, 2024 2:38 PM IST
മലയാളം വാർത്തകൾ/ വാർത്ത/Sports/
Paris Olympics 2024 | ഇന്ത്യക്ക് മൂന്നാം മെഡല്; ഷൂട്ടിംഗില് സ്വപ്നില് കുസാലെക്ക് വെങ്കലം
