'പോക്കറ്റില്‍ കുപ്പിവെള്ളവുമായി പൂജാര'; വീഡിയോ ഏറ്റെടുത്ത് ക്രിക്കറ്റ് ലോകം

Last Updated:Oct 04, 2018 3:16 PM IST

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

രാജ്‌കോട്ട്: വിന്‍ഡീസിനെതിരായ ഒന്നാം ക്രിക്കറ്റ് ടെസ്റ്റില്‍ ഇന്ത്യ ശക്തമായ നിലയില്‍ മുന്നേറുകയാണ്. മൂന്ന് വിക്കറ്റ് നഷ്ടത്തില്‍ 251 റണ്‍സ് എന്ന നിലയിലാണ് ഇന്ത്യന്‍ ടീം. അരങ്ങേറ്റ മത്സരത്തില്‍ സെഞ്ച്വറി പ്രകടനവുമായി തിളങ്ങിയ പൃഥ്വി ഷായുടെയും അര്‍ദ്ധ സെഞ്ച്വറി നേടിയ ചേതേശ്വര്‍ പൂജാരയുടെ മികവിലാണ് ഇന്ത്യ ഭേദപ്പെട്ട തുടക്കം നേടിയത്.

അരങ്ങേറ്റത്തിലെ വേഗതയേറിയ മൂന്നാം ടെസ്റ്റ് സെഞ്ച്വറി; പ്രായം കുറഞ്ഞ ഇന്ത്യന്‍ താരം; റെക്കോര്‍ഡ് പുസ്‌കത്തില്‍ ഷായുടെ സ്ഥാനം ഇങ്ങിനെ

സ്‌കോര്‍ബോര്‍ഡില്‍ വെറും മൂന്ന് റണ്‍സ് മത്രമുള്ളപ്പോള്‍ കെഎല്‍ രാഹുലിനെ നഷ്ടമായ ഇന്ത്യയെ പൂജാരയും ഷായും ചേര്‍ന്ന് കരകയറ്റുകയായിരുന്നു. മത്സരം നടക്കുന്ന രാജ്‌കോട്ടില്‍ കനത്ത ചൂടാണ് അനുഭവപ്പെടുന്നത്. അതിനാല്‍ തന്നെ ചൂടിനെ മറികടക്കാന്‍ പോക്കറ്റില്‍ വെള്ളവുമായായിരുന്നു ഇന്ത്യന്‍ താരം പൂജാര ക്രീസില്‍ എത്തിയത്.

Beating Rajkot's heat, Pujara's way 🆒😎#INDvWI @cheteshwar1 pic.twitter.com/v86gceoEw2

— BCCI (@BCCI) October 4, 2018

ഓവറിനിടയില്‍ വെള്ളംകുടിക്കുന്നതിനു വേണ്ടിയായിരുന്നു താരം സ്വന്തം പോക്കറ്റില്‍ വെള്ളവുമായി മൈതാനത്ത് എത്തിയത്. വെള്ളവുമായി പുറത്ത് നിന്ന് ഒരാള്‍ ഗ്രൗണ്ടിലെത്തുമ്പോഴുണ്ടാകുന്ന സമയം ലാഭിക്കാനും ഇത് വഴി കഴിഞ്ഞു. സാധാരണഗതിയില്‍ ഓവറുകള്‍ക്കിടയിലെ സമയമാണ് താരങ്ങള്‍ ദാഹമകറ്റാന്‍ തെരഞ്ഞെടുക്കുന്നത്.

'മിന്നും താരമായി പൃഥ്വി'; അരങ്ങേറ്റത്തില്‍ സെഞ്ച്വറിയുമായി പതിനെട്ടുകാരന്‍

എന്നാല്‍ കനത്തചൂട് അനുഭവപ്പെടുമ്പോള്‍ ഇത് മതിയാകാതെ വരുമെന്നതിനാലാണ് പൂജാര സ്വയം വെള്ളവുമായെത്തിത്. മൈതാനത്ത് പോക്കറ്റില്‍ നിന്ന് വെള്ളം എടുത്ത് കുടിക്കുന്ന പൂജാരയുടെ ദൃശ്യം ക്യാമറയില്‍ പതിഞ്ഞതോടെ വീഡിയോ വൈറലാവുകയായിരുന്നു. നിരവധിപ്പേര്‍ താരത്തിന്റെ നടപടിയെ അഭിനന്ദിച്ച് രംഗത്തെത്തുകയും ചെയ്തു.

Well done Pujara! Didn’t see that coming, carrying a bottle of water in his pocket while batting. Saving time. Well done!#OverRates

— Sanjay Manjrekar (@sanjaymanjrekar) October 4, 2018