'അതേ എനിക്ക് തെറ്റുപറ്റി' ലോകകപ്പ് ഫൈനലില്‍ ഓവര്‍ ത്രോയില്‍ 6 റണ്‍സ് നല്‍കിയത് തെറ്റായ തീരുമാനമെന്ന് ധര്‍മസേന

ഇംഗ്ലണ്ടിന് ജയിക്കാന്‍ മൂന്ന് പന്തില്‍ ഒമ്പത് റണ്‍സ് വേണ്ടിയിരിക്കെ ബൗണ്ടറിയില്‍ നിന്ന് മാര്‍ട്ടില്‍ ഗപ്ടില്‍ എറിഞ്ഞ പന്ത് രണ്ടാം റണ്‍സിനായ് ഓടിയ ബെന്‍ സ്‌റ്റോക്‌സിന്റെ ബാറ്റില്‍ തട്ടി അതിര്‍ത്തികടക്കുകയായിരുന്നു. ഇതേ തുടര്‍ന്ന് അംപയര്‍ ബൗണ്ടറിയുടെ നാല് റണ്‍സും താരങ്ങള്‍ ഓടിയെടുത്ത രണ്ട് റണ്‍സും അനുവദിക്കുകയും ചെയ്തു. എന്നാല്‍ ത്രോ ചെയ്യുന്ന സമയത്ത് ബാറ്റ്‌സ്മാന്‍മാര്‍ പരസ്പരം ക്രോസ് ചെയ്യാത്തതിനാല്‍ ഇംഗ്ലണ്ടിന് അഞ്ച് റണ്‍സ് അനുവദിക്കാനെ നിയമം അനുവദിക്കുന്നുള്ളൂവെന്ന് മത്സരത്തിന് പിന്നാലെ വിമര്‍ശനങ്ങള്‍ ഉയരുകയായിരുന്നു.

'ടെലിവിഷന്‍ റീപ്ലേകള്‍ കണ്ട് ആളുകള്‍ക്ക് തീരുമാനമെടുക്കാനും അഭിപ്രായം പറയാനും എളുപ്പമാണ്. എന്നാല്‍ എനിക്കാ സൗകര്യമില്ല. അതുകൊണ്ടുതന്നെ എടുത്ത തീരുമാനത്തില്‍ ഖേദവുമില്ല' ധര്‍മസേന പറഞ്ഞു. തേര്‍ഡ് അംപയര്‍ക്ക് തീരുമാനം വിടാനുള്ള സാധ്യത ഉണ്ടായിരുന്നില്ലെന്ന് പറഞ്ഞ ധര്‍മസേന ഫീല്‍ഡ് അംപയറുമായി ആശയവിനിമയം നടത്തിയിരുന്നെന്നും മറ്റ് അംപയര്‍മാരും ഇത് കേട്ടതാണെന്നും കൂട്ടിച്ചേര്‍ത്തു.