രണ്ടാം ഏകദിനത്തിനിടെ ഫീല്ഡിങ് നിയമം ലംഘിച്ച് മാക്സ്വെല്; അമ്പയര്മാരുടെ അശ്രദ്ധ ഇന്ത്യക്ക് നഷ്ടമാക്കിയത് 5 റണ്സ്
Last Updated:
ഇന്ത്യന് ഇന്നിങ്സിന്റെ 42 ാം ഓവറിലായിരുന്നു ഗ്ലെന് മാക്സ്വെല് ഫീല്ഡ് നിയം ലംഘിച്ചത്
നാഗ്പൂര്: ഓസീസിന്റെ ഇന്ത്യന് പര്യടനത്തിലെ രണ്ടാം ഏകദിനം ഇന്നലെ കഴിഞ്ഞിരിക്കുകയാണ്. അഞ്ച് മത്സരങ്ങളുടെ പരമ്പരയില് ആദ്യ രണ്ടെണ്ണവും ജയിച്ച ഇന്ത്യ തങ്ങളുടെ ആധിപത്യം നിലനിര്ത്തുകയും ചെയ്തു. അവസാന ഓവര് വരെ ജയസാധ്യത മാറിമറിഞ്ഞ രണ്ടാം ഏകദിനത്തില് എട്ട് റണ്സിനായിരുന്നു ഇന്ത്യന് ജയം. മത്സരത്തില് ഓസീസ് താരം ഗ്ലെന് മാക്സ്വെല് ഫീല്ഡിങ് നിയമം തെറ്റിച്ചത് അമ്പയര്മാര് ശ്രദ്ധിക്കാതെ വന്നതാണ് ഇന്ത്യയുടെ മാര്ജിന് കുറയാന് കാരണമായത് അല്ലായിരുന്നെങ്കില് ഇന്ത്യക്ക് 13 റണ്സ് ജയം കുറിക്കപ്പെട്ടേനെ.
ഇന്ത്യന് ഇന്നിങ്സിന്റെ 42 ാം ഓവറിലായിരുന്നു ഗ്ലെന് മാക്സ്വെല് ഫീല്ഡ് നിയം ലംഘിച്ചത്. വിരാട് കോഹ്ലിയും രവീന്ദ്ര ജഡേജയുമായിരുന്നു ഈ സമയം ബാറ്റ് ചെയ്തിരുന്നത്. കോള്ട്ടര് നൈലിന്റെ പന്ത് ജഡേജ തേര്ഡ്മാനിലേക്ക് കളിച്ച് സിംഗിള് എടുത്തപ്പോഴായിരുന്നു മാക്സ്വെല് ബാറ്റ്സ്മാന്മാരെ തെറ്റിദ്ധരിപ്പിക്കാനായി പന്ത് കീപ്പറിന്റെ കൈകളിലേക്ക് എറിയുന്നതായി കാണിച്ചത്.
Also Read: ഏഴ് ഓവര് മുമ്പ് തന്നെ തീരുമാനം അറിഞ്ഞിരുന്നു; കാത്തിരിക്കുകയായിരുന്നെന്നും വിജയ് ശങ്കര്
ബോള് കൈയ്യിലൊതുക്കാനുള്ള വിഫല ശ്രമത്തിനു പിന്നാലെയായിരുന്നു മാക്സ്വെല് പന്തെറിയുന്ന ആഗ്യം കാണിച്ചത്. ഇതോടെ ഇന്ത്യന് താരങ്ങള് വിക്കറ്റിനിടയിലെ ഓട്ടം ഒരു റണ്ണില് ഒതുക്കുകയും ചെയ്തു. ബാറ്റസ്മാനെ തെറ്റിദ്ധരിപ്പിക്കുന്ന നീക്കം ഫീല്ഡര്മാരുടെ ഭാഗത്ത് നിന്നുണ്ടാകുന്നത് ഐസിസിയുടെ കളിനിയമം (41.5) അനുസരിച്ച് തെറ്റാണ്.
advertisement
— Dhoni Fan (@WastingBalls) March 6, 2019
ഇത്തരത്തിലുള്ള നീക്കം ഫീല്ഡര്മാരുടെ ഭാഗത്ത് നിന്നുണ്ടാവുകയാണെങ്കില് ശിക്ഷയായി 5 റണ്സ് ബാറ്റിങ് ടീമിന് ലഭിക്കും. എന്നാല് ഇന്നലത്തെ മത്സരത്തില് അമ്പയര്മാര് ഇത് ശ്രദ്ധിക്കാതെ വന്നതോടെ ഇന്ത്യക്ക് ഈ റണ്സ് നഷ്ടമാവുകയായിരുന്നു. അല്ലെങ്കില് ഇന്ത്യയുടെ സ്കോര്ബോര്ഡില് 250 ന് പകരം 255 റണ്സ് ഉണ്ടായേനെ.
advertisement
Click here to add News18 as your preferred news source on Google. ഏറ്റവും പുതിയ സ്പോർട്സ് വാർത്തകൾ, ലൈവ് സ്കോർ അപ്ഡേറ്റുകൾ, മത്സര ഫലങ്ങൾ എല്ലാം അറിയാൻ News18 മലയാളത്തിനൊപ്പം വരൂ
Location :
First Published :
Mar 06, 2019 5:08 PM IST
മലയാളം വാർത്തകൾ/ വാർത്ത/Sports/
രണ്ടാം ഏകദിനത്തിനിടെ ഫീല്ഡിങ് നിയമം ലംഘിച്ച് മാക്സ്വെല്; അമ്പയര്മാരുടെ അശ്രദ്ധ ഇന്ത്യക്ക് നഷ്ടമാക്കിയത് 5 റണ്സ്
