കോഹ്ലി ലോക ഏകദിന ഇലവന്‍ നായകൻ, ഇന്ത്യയിൽ നിന്ന് 4 പേർ ടീമിൽ

‌2018ലെ ലോക ഏകദിന ഇലവൻ നായകനായി ഇന്ത്യൻ ക്യാപ്റ്റൻ വിരാട് കോഹ്‌ലിയെ ക്രിക്കറ്റ് ഓസ്ട്രേലിയ തെരഞ്ഞെടുത്തു. കഴിഞ്ഞ വർഷം ഏകദിനത്തിൽ കാഴ്ചവെച്ച മികച്ച പ്രകടനമാണ് കോഹ്‌ലിയെ നേട്ടത്തിന് അർഹനാക്കിയത്. കോഹ്‌ലിക്ക് പുറമെ രോഹിത് ശർമ്മ, കുൽദീപ് യാദവ്, ജസ്പ്രീത് ബൂംറ എന്നിവരും ടീമിൽ ഉണ്ട്. ഇംഗ്ലണ്ടിൽ നിന്ന് മൂന്ന് താരങ്ങൾ ഇടംപിടിച്ചപ്പോൾ ഓസ്‌ട്രേലിയൻ ടീമിൽ നിന്ന് ആരും ഉൾപ്പെട്ടില്ല.