'ഒരാള്‍ എങ്ങനെയായിരിക്കണമെന്നത് അയാളുടെ ഇഷ്ടമാണ്'; വിമര്‍ശകരോട് കോഹ്ലി

രണ്ടാം ടെസ്റ്റിനുശേഷമുള്ള വാര്‍ത്താസമ്മേളനത്തില്‍ താന്‍ പറഞ്ഞത് ഇത് തന്നെയാണെന്നും കോഹ്‌ലി വ്യക്തമാക്കി. 'എന്റെ ശ്രദ്ധ ടെസ്റ്റ് മത്സരം വിജയിക്കുന്നതിലാണ്. എന്റെ ടീമിന് നല്ലത് ചെയ്യുന്നതിനുവേണ്ടിയാണ്. എന്നെക്കുറിച്ച് വരുന്ന ലേഖനങ്ങളിലോ എന്നെക്കുറിച്ച് മറ്റുള്ളവര്‍ എന്ത് പറയുന്നതിലോ അല്ല ഓരോരുത്തര്‍ക്കും അവരവരുടേതായ കാഴ്ചപ്പാടുണ്ട്, ഞാനതിനെ ബഹുമാനിക്കുന്നു. പക്ഷേ എന്റെ ശ്രദ്ധ ക്രിക്കറ്റിലും എന്റെ ടീമിന്റെ വിജയത്തിലുമാണ്,' കോഹ്ലി പറഞ്ഞു.

'രണ്ടു ടീമുകളും ക്രിക്കറ്റിനെ ഏറെ ഇഷ്ടപ്പെടുന്നവരും ജയിക്കണമെന്ന് മാത്രം ചിന്തിക്കുന്നവരുമാണ്. മൈതാനത്ത് പലതും സംഭവിക്കാം. പക്ഷേ ഒരിക്കലും അതിര്‍വരമ്പ് കടന്നിട്ടില്ല. പെര്‍ത്തില്‍ സംഭവിച്ചത് എന്താണെന്ന് എനിക്കും ടിമ്മിനും അറിയാം. ഞങ്ങള്‍ അനാവശ്യമായി ഒന്നും ചെയ്തിട്ടില്ല. ഞങ്ങളുടെ ടീമിനെ നന്നായി നയിച്ച് എല്ലാവരും ആഗ്രഹിക്കുന്നതുപോലെ നല്ല രീതിയില്‍ കളിക്കണമെന്നേ ചിന്തിച്ചിട്ടുള്ളൂ.' വിരാട് പറഞ്ഞു.