World Cup 2023 Final ലോകകപ്പ് ഹരം: അഹമ്മദാബാദിൽ ഹോട്ടൽ റൂമിന് ഒരു ലക്ഷം, ഫ്ലൈറ്റ് ടിക്കറ്റ് 35000ന് മുകളിൽ

അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ നവംബർ 19 ഞായറാഴ്ച നടക്കുന്ന ഐസിസി ക്രിക്കറ്റ് ലോകകപ്പ് ഫൈനലിലേയ്ക്ക് ഉറ്റുനോക്കുകയാണ് ലോകം. ഇന്ത്യയും ഓസ്‌ട്രേലിയയും തമ്മിലുള്ള ഫൈനൽ പോരാട്ടത്തിന്റെ ആവേശത്തിലാണ് ആരാധകർ. ലോകകപ്പ് ഫൈനൽ നടക്കാൻ പോകുന്ന ഈ സമയത്ത് അഹമ്മദാബാദിലേയ്ക്കുള്ള വിമാന ടിക്കറ്റ്, ഹോട്ടൽ റൂം നിരക്കുകൾ എന്നിവ കുതിച്ചുയർന്നിരിക്കുകയാണ്. ഇന്ത്യ-പാക്കിസ്ഥാൻ മത്സര സമയത്തും അഹമ്മദാബാദിലെയും സമീപ പ്രദേശങ്ങളിലെയും ഹോട്ടൽ റൂമുകളുടെ വാടക ഇത്തരത്തിൽ കുത്തനെ ഉയർന്നിരുന്നു.