HOME /NEWS /Uncategorized / അക്ഷയ് കുമാറിനെക്കാൾ മികച്ച നടൻ ആകാനാണ് മോദി ശ്രമിക്കുന്നത്: പരിഹാസവുമായി കോൺഗ്രസ്‌‌‌‌

അക്ഷയ് കുമാറിനെക്കാൾ മികച്ച നടൻ ആകാനാണ് മോദി ശ്രമിക്കുന്നത്: പരിഹാസവുമായി കോൺഗ്രസ്‌‌‌‌

പ്രധാനമന്ത്രി നരേന്ദ്ര മോദി, അക്ഷയ് കുമാർ

പ്രധാനമന്ത്രി നരേന്ദ്ര മോദി, അക്ഷയ് കുമാർ

മെയ് 23 ന് ജനങ്ങളാൽ തള്ളപ്പെടാൻ പോകുന്ന ഒരു 'പരാജയപ്പെട്ട രാഷ്ട്രീയക്കാരൻ' ബോളിവുഡിൽ പകരം ജോലി തേടുന്നതായാണ് തോന്നുന്നത്‌.

  • News18
  • 1-MIN READ
  • Last Updated :
  • Share this:

    ന്യൂഡൽഹി : അക്ഷയ് കുമാറിനെക്കാൾ മികച്ച നടനാകാനാണ് മോദി ശ്രമിക്കുന്നതെന്ന് കോൺഗ്രസ്. ബോളിവുഡ് താരം അക്ഷയ് കുമാറിന് പ്രധാനമന്ത്രി നരേന്ദ്ര മോദി നല്‍കിയ അഭിമുഖത്തെ പരിഹസിച്ചായിരുന്നു കോൺഗ്രസ് പ്രതികരണം. മെയ് 23 ന് ജനങ്ങളാൽ തള്ളപ്പെടാൻ പോകുന്ന ഒരു 'പരാജയപ്പെട്ട രാഷ്ട്രീയക്കാരൻ' ബോളിവുഡിൽ പകരം ജോലി തേടുന്നതായാണ് തോന്നുന്നതെന്നായിരുന്നു കോൺഗ്രസ് പരിഹാസം.

    Also Read-പ്രധാനമന്ത്രി പദവും വിരമിക്കലും; അക്ഷയ് കുമാറുമായി നടത്തിയ അഭിമുഖത്തില്‍ മോദി പറഞ്ഞ 5 കാര്യങ്ങള്‍

    കഴിഞ്ഞ ദിവസമാണ് ചാനലുകൾ അക്ഷയ് കുമാറുമൊത്തുള്ള മോദിയുടെ അഭിമുഖം സംപ്രേക്ഷണം ചെയ്തത്. രാഷ്ട്രീയമല്ലാത്ത ഒരു തുറന്ന സംഭാഷണം മാത്രമാണിതെന്നായിരുന്നു വിവരണം. ഇതിനെതിരെയാണ് ഇപ്പോൾ കോൺഗ്രസ് രംഗത്തെത്തിയിരിക്കുന്നത്. 'എല്ലാവരും ഇഷ്ടപ്പെടുന്ന ഒരു മികച്ച നടനാണ് അക്ഷയ് കുമാർ.. വലിയ വിജയങ്ങൾ കൈവരിച്ച നടൻ.. എന്നാൽ രാജ്യത്തിന്റെ സമ്പദ് വ്യവസ്ഥയെ താറുമാറാക്കിയ തൊഴിൽ അവസരങ്ങൾ ഇല്ലാതാക്കിയ സാധാരണക്കാരുടെയും കർഷകരുടെയും ജീവിതം നരകതുല്യമാക്കിയ ഒരു പരാജയപ്പെട്ട രാഷ്ട്രീയക്കാരൻ ഇപ്പോൾ അദ്ദേഹത്തെക്കാൾ മികച്ച നടനാകാനാണ് ശ്രമിക്കുന്നത്' എന്നായിരുന്നു കോണ്‍ഗ്രസ് വക്താവ് രൺദീപ് സുർജെവാല പരിഹസിച്ചത്.

    Also Read-മൂന്നു മണിക്കൂറിൽ കൂടുതൽ ഉറങ്ങണമെന്ന് ഒബാമ എപ്പോഴും പറയാറുണ്ടെന്ന് മോദി

    അക്ഷയ് കുമാറിനെ പോലെ മികച്ച ഒരു നടന്‍ ആകാനാണ് മോദി ശ്രമിക്കുന്നത് എന്നാൽ ഇന്ത്യയെ പരാജയപ്പെടുത്തിയത് പോലെ തന്നെ അദ്ദേഹം ഇക്കാര്യത്തിലും ദയനീയമായി പരാജയപ്പെട്ടുവെന്നും സുർജെവാല കൂട്ടിച്ചേർത്തു.

    First published:

    Tags: 2019 lok sabha elections, 2019 ലോക്സഭാ തെരഞ്ഞെടുപ്പ്, Amit shah, Bjp, Delhi Lok Sabha Elections 2019, Lok Sabha Battle, Lok Sabha ELECTION, Lok Sabha elections 2019, Lok Sabha poll, Rahul gandhi, ലോക്സഭ തെരഞ്ഞെടുപ്പ്, ലോക്സഭാ തെരഞ്ഞെടുപ്പ്, ലോക്സഭാ തെരഞ്ഞെടുപ്പ് 2019