ടിക് ടോക് ചാലഞ്ചിനിടെ സ്ഫോടനം; 16കാരന് ഗുരുതരമായി പൊള്ളലേറ്റു

സ്ഫോടനത്തില്‍ മേസൺ ഡാർക്ക് എന്ന കുട്ടിക്കാണ് 80 ശതമാനം പൊള്ളലേറ്റത്. മേസൺ ഡാർക്ക് കൈവശം വച്ചിരുന്ന സ്പ്രേ പെയിന്റ് ക്യാൻ വലിയ ശബ്ദത്തോടെ പൊട്ടിത്തെറിച്ച് തീപിടിക്കുകയായിരുന്നു. തീയാളിപ്പടർന്ന് ദേഹത്ത് പിടിച്ചതോടെ മേസൺ നേരെ അടുത്തുള്ള പുഴയിലേക്കാണ് ഓടിയത്.

ഇത് നില കൂടുതൽ വഷളാക്കി. നദിയിലെ വെള്ളത്തിൽ നിന്ന് അണുബാധ ഉണ്ടാകാനുള്ള സാധ്യത കൂടുതലാണ്. തന്റെ മകനെ ഇപ്പോൾ കണ്ടാൽ തിരിച്ചറിയാനാകില്ല എന്നാണ് അവന്റെ അമ്മ ഹോളി ഡാർക്ക് പറയുന്നത്. നിലവിൽ മേസൺ, യുഎൻസി ബേൺ സെന്ററിൽ ചികിത്സയിലാണ്. മേസമിനെ നിരവധി തവണ ശസ്ത്രക്രിയകൾക്ക് വിധേയനാക്കിയിട്ടുണ്ട്. ആറ് മാസമെങ്കിലും ആശുപത്രിയിൽ തുടരേണ്ടിവരുമെന്നാണ് റിപ്പോർട്ട്.