ക്രിപ്റ്റോ ചൂതാട്ടത്തിനു സമാനം, നിയന്ത്രണങ്ങൾ കൊണ്ടുവരണം; നിർദേശവുമായി യുകെയിലെ നിയമ നിർമാതാക്കൾ

ബ്രിട്ടനിലെ ക്രിപ്‌റ്റോകറൻസി നിക്ഷേപങ്ങൾക്ക് ചൂതാട്ട വ്യവസായത്തിലേതു പോലെ നിയന്ത്രണം കൊണ്ടുവരണമെന്ന ആവശ്യവുമായി യുകെയിലെ നിയമ നിർമാതാക്കൾ. ക്രിപ്‌റ്റോ ഇടപാടുകൾ നടത്തുന്നവർക്ക് യൂറോപ്യൻ യൂണിയൻ കൊണ്ടുവന്ന കടുത്ത നികുതി നിയമങ്ങൾ മന്ത്രിമാർ അംഗീകരിച്ചതിന് തൊട്ടുപിന്നാലെയാണ് പാർലമെന്റിന്റെ ക്രോസ്-പാർട്ടി ട്രഷറി കമ്മിറ്റിയിൽ നിന്നും ഇത്തരത്തിലൊരു നിർദേശം മുന്നോട്ടു വന്നത്. ബിറ്റ്കോയിൻ ഉൾപ്പെടെയുള്ള ക്രിപ്റ്റോ കറൻസികളെ നിയന്ത്രിക്കണമെന്നാണ് ഇവരുടെ ആവശ്യം. ഇത്തരം കറൻസികൾ തട്ടിപ്പുകാർ ഉപയോഗിക്കാൻ സാധ്യത കൂടുതലാണ്. ഉപഭോക്താക്കൾക്ക് വലിയ നഷ്ടം വരുത്തി വെയ്ക്കാൻ സാധ്യതയുള്ളവയാണിവ എന്നും ഇവർ ചൂണ്ടിക്കാണിക്കുന്നു.