ഭൂട്ടാന് ഇന്ത്യയുടെ 4000 കോടി രൂപ വായ്പ; വാരാണസിയിൽ ഭൂട്ടാനീസ് ക്ഷേത്രവും നിർമിക്കും

ന്യൂഡൽഹി: ഭൂട്ടാനിൽ ഇന്ത്യയുടെ സഹായത്തോടെ നിർമിക്കുന്ന അഞ്ച് മെഗാ ജലവൈദ്യുത പദ്ധതികളിൽ ഒന്നായ പുനാത്സഞ്ചു-II പദ്ധതി പ്രധാനമന്ത്രി നരേന്ദ്ര മോദിയും ഭൂട്ടാൻ രാജാവ് ജിഗ്മെ ഖേസർ നാംഗ്യേൽ വാംഗ്ചുക്കും ചേർന്ന് ഉദ്ഘാടനം ചെയ്തു. ഭൂട്ടാന്റെ വൈദ്യുതി ഉത്പാദന ശേഷി 40 ശതമാനം വർധിപ്പിക്കുന്ന ഈ പദ്ധതി ഇരുരാജ്യങ്ങളിലേക്കും വൈദ്യുതി വിതരണം ചെയ്യും. ഊർജപങ്കാളിത്തത്തിലൂടെ ഭൂട്ടാനിലെ ജലവൈദ്യുത ശേഷി വർധിപ്പിക്കുന്നതിനായി ഇരുരാജ്യങ്ങളും കണക്ടിവിറ്റിയും അതിർത്തി അടിസ്ഥാന സൗകര്യങ്ങളും ശക്തിപ്പെടുത്തുമെന്ന് പ്രധാനമന്ത്രി നരേന്ദ്ര മോദി പറഞ്ഞു. ഭൂട്ടാനിൽ വിവിധ ഊർജപദ്ധതികൾക്ക് ധനസഹായം നൽകുന്നതിനായി ഇന്ത്യ 4000 കോടി രൂപയുടെ വായ്പ നൽകും.