'എന്റെ മക്കൾ അയാളെ സ്നേഹിച്ചിരുന്നു': അഞ്ച് മക്കളെ കൊന്ന മുൻഭർത്താവിനോട് ദയ കാണിക്കണമെന്നഭ്യർഥിച്ച് യുവതി

ഭർത്താവുമായി പിരിഞ്ഞു കഴിഞ്ഞിരുന്ന കിസറിന്റെ മക്കൾ അയാൾക്കൊപ്പമായിരുന്നു. ലഹരിക്കടിമയായ ജോണ്‍സ് ദാമ്പത്യം തകർന്ന വൈരാഗ്യത്തിലും മുൻ ഭാര്യയോടുള്ള ദേഷ്യം തീർക്കുന്നതിനുമായാണ് മക്കളെ കൊലപ്പെടുത്തിയതെന്നാണ് പ്രോസിക്യൂഷൻ വാദം. മക്കളെ ഭാര്യക്ക് ഒരിക്കലും കിട്ടരുതെന്ന് അയാൾ ആഗ്രഹിച്ചിരുന്നു. അമ്മയുമായി ചേർന്ന് തനിക്കെതിരെ ഗൂഢാലോചന നടത്തിയെന്ന് സംശയിച്ചാണ് ആറു വയസുരകാരനായ മകൻ നതാനെ താൻ കൊന്നതെന്നാണ് ജോൺസ് കുറ്റസമ്മത മൊഴിയില്‍ പറഞ്ഞത്. ഇതിന് പിന്നാലെയാണ് മറ്റ് മക്കളെയും വകവരുത്താൻ തീരുമാനിച്ചത്. 8 വയസുകാരി മെറ ഏഴുവയസുള്ള ഇലിയസ് എന്നിവരെ കഴുത്തു ഞെരിച്ചാണ് കൊലപ്പെടുത്തിയത്. കഴുത്ത് ഞെരിക്കാൻ തന്റെ കൈ വലുതായതിനാൽ രണ്ടും ഒന്നും വയസുള്ള ഗബ്രിയേൽ, അബിഗേൽ എന്നീ മക്കളെ ബെൽറ്റ് ഉപയോഗിച്ച് കഴുത്തിൽ മുറുക്കിയാണ് കൊലപ്പെടുത്തിയതെന്നും ജോൺസ് മൊഴിയിൽ പറഞ്ഞിരുന്നു.