ട്രിനിഡാഡ്&ടൊബാഗോ പ്രധാനമന്ത്രി കമലാ പെര്‍സാദിനെ പ്രധാനമന്ത്രി മോദി ബീഹാറിന്റെ പുത്രിയെന്ന് വിളിച്ചതെന്തുകൊണ്ട് ?

ട്രിനിഡാഡ് ആൻഡ് ടൊബാഗോ പ്രധാനമന്ത്രി കമല പെർദാസ് ബിസെസ്സറിനെ ബീഹാറിന്റെ പുത്രിയെന്ന് വിശേഷിപ്പിച്ച് പ്രധാനമന്ത്രി നരേന്ദ്ര മോദി. തന്റെ ഔദ്യോഗിക ട്രിനിഡാഡ് ആൻഡ് ടൊബാഗോ സന്ദർശനത്തിന് എത്തിയതായിരുന്നു പ്രധാനമന്ത്രി മോദി. ബീഹാറിലെ ബക്‌സര്‍ ജില്ലയുമായി അവര്‍ക്കുള്ള ബന്ധത്തെക്കുറിച്ചും പ്രധാനമന്ത്രി സംസാരിച്ചു. പ്രധാനമന്ത്രി മോദിയുടെ ഒരു പുസ്തകത്തില്‍ നിന്നുള്ള ഒരു കവിത കമല പെര്‍സാദ് ചൊല്ലി. പ്രധാനമന്ത്രി നരേന്ദ്ര മോദിയെ പുകഴ്ത്തി കമല പെര്‍സാദ് സംസാരിച്ചു.. നരേന്ദ്രമോദിയുടെ നേതൃത്വത്തെ പ്രശംസിച്ച അവര്‍ അദ്ദേഹത്തെ ഇന്ത്യയുടെ ഭരണം പരിഷ്‌കരിച്ച പരിവര്‍ത്തന ശക്തിയാണെന്നും വിശേഷിപ്പിച്ചു. പ്രധാനമന്ത്രി മോദി തന്റെ ദര്‍ശനാത്മകവും ഭാവി ലക്ഷ്യമാക്കിയുള്ള സംരംഭങ്ങളിലൂടെയും ഇന്ത്യന്‍ സമ്പദ് വ്യവസ്ഥയെ ആധുനികവത്കരിച്ചുവെന്ന് അവര്‍ പറഞ്ഞു.