കാൻസര്‍ ബാധിതയിൽ നിന്ന് 3 കോടി തട്ടി; മരണ ഭീതി വരുത്തി 'ആത്മീയ' പഠനത്തിന് ചേർ‌ത്തു, സ്വവർഗ വിവാഹത്തിന് നിർ‌ബന്ധിച്ചു

സൗത്ത് ചൈന മോണിംഗ് പോസ്റ്റ് റിപ്പോർട്ട് ചെയ്യുന്നത് അനുസരിച്ച്, കോഴ്സിൽ പങ്കെടുത്തവരെ അങ്ങേയറ്റം കഠിനവും അപമാനകരവുമായ പരിശീലനങ്ങൾക്ക് വിധേയരാക്കി. റോഡരികിൽ മുട്ടുകുത്താനും, പരസ്പരം അപമാനിക്കാനും, മറ്റുള്ളവരുടെ കാൽവിരലുകൾ നക്കാനും പോലുള്ള വിചിത്രമായ കാര്യങ്ങൾ ചെയ്യാൻ പോലും അവരെ നിർബന്ധിച്ചു. നിയമങ്ങൾ കർശനമായിരുന്നു, പങ്കെടുത്തവർക്ക് ഭയം കാരണം അവ അനുസരിക്കേണ്ടിയും വന്നു.

കോഴ്സിൽ ചേരാൻ വലിയ ചിലവാണ് ഉണ്ടായിരുന്നത്. "എനർജി പ്യൂരിഫിക്കേഷൻ മാസ്റ്റർ" എന്ന പദവി ലഭിക്കാൻ ഏകദേശം 57 ലക്ഷം രൂപ നൽകേണ്ടതുണ്ടെന് റിപ്പോർട്ടില്‍ പറയുന്നു. ഒരു ഫോൺ കോൾ എടുക്കുന്നതിൽ വീഴ്ച വരുത്തുക പോലുള്ള ചെറിയ പിഴവുകൾക്ക് പോലും പങ്കെടുത്തവരിൽ നിന്ന് ‌2,800 രൂപ പിഴ ഈടാക്കി. ചില കേസുകളിൽ, പങ്കെടുത്തവരോട് പലതവണ തല ഭിത്തിയിലിടിക്കാനും അതിൻ്റെ ഫോട്ടോയെടുത്ത് തെളിവായി അപ്‌ലോഡ് ചെയ്യാനും ഉത്തരവിട്ടു.

കഴിഞ്ഞ ഏപ്രിലിൽ നിയമോപദേശം തേടിയപ്പോഴാണ് തങ്ങൾ വഞ്ചിക്കപ്പെട്ടതായി വാങ്ങിനും മകനും മനസ്സിലായത്. അവർ ഷാങ്ങിനും ചെന്നിനുമെതിരെ നഷ്ടപരിഹാരം ആവശ്യപ്പെട്ട് കേസ് ഫയൽ ചെയ്തു. കോഴ്സുകൾ 10 വർഷം നീണ്ടുനിന്നതിനാൽ ഉയർന്ന ഫീസ് ന്യായീകരിക്കാവുന്നതാണെന്നും അത് ശാസ്ത്രീയമായി തെളിയിക്കാൻ കഴിയില്ലെന്നും പറഞ്ഞ് ഈ 'ആൾദൈവങ്ങൾ' കോടതിയിൽ വാദിച്ചു.