B1 പാലം ആക്രമണത്തിന് തിരിച്ചടി; ഗൾഫിലെ 8 പാലങ്ങൾ ഇറാൻ്റെ 'ഹിറ്റ് ലിസ്റ്റിൽ' ഉണ്ടെന്ന് റിപ്പോർട്ട്

ഇറാൻ തലസ്ഥാനമായ ടെഹ്‌റാനെ കരജുമായി ബന്ധിപ്പിക്കുന്ന തന്ത്രപ്രധാനമായ ബി1 പാലത്തിന് നേരെ വ്യാഴാഴ്ച പുലർച്ചെയാണ് അമേരിക്കയും ഇസ്രായേലും രണ്ട് തവണ ആക്രമണം നടത്തിയത്. പശ്ചിമേഷ്യയിലെ യുദ്ധം അവസാനിപ്പിക്കാനുള്ള സമാധാന ചർച്ചകളിൽ ഇറാൻ സഹകരിച്ചില്ലെങ്കിൽ രാജ്യത്തെ ശിലായുഗത്തിലേക്ക് തള്ളിയിടുമെന്ന യുഎസ് പ്രസിഡന്റ് ഡൊണാൾഡ് ട്രംപിന്റെ ഭീഷണിക്ക് പിന്നാലെയായിരുന്നു ആക്രമണം. നിർമ്മാണത്തിലിരുന്ന ഈ പാലത്തിന് നേരെയുണ്ടായ ആക്രമണത്തിൽ എട്ട് പേർ കൊല്ലപ്പെടുകയും 95 പേർക്ക് പരിക്കേൽക്കുകയും ചെയ്തതായി അൽബോർസ് പ്രവിശ്യാ ഡെപ്യൂട്ടി ഗവർണർ ഖുദറത്തുള്ള സെയ്ഫ് അറിയിച്ചു.