Reba Monica John| നടി റെബ മോണിക്ക ജോൺ വിവാഹിതയായി

Reba Monica John Wedding: നടി റെബ മോണിക്ക ജോൺ വിവാഹിതയായി. ജോമോൻ ജോസഫ് ആണ് വരൻ. ഇരുവരും ഏറെ നാളായി പ്രണയത്തിലായിരുന്നു. ബെംഗളൂരുവിൽ നടന്ന വിവാഹ ചടങ്ങിൽ അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്.

റേബ ഒരു വെളുത്ത വിവാഹ ഗൗണും ജോമോൻ ഒരു സ്റ്റൈലിഷ് ബ്ലാക്ക് ബ്ലേസറുമാണണ് ധരിച്ചിരുന്നത്. വിവാഹത്തിന്റെ ചിത്രങ്ങളും വീഡിയോകളും സോഷ്യൽ മീഡിയയിൽ വൈറലായി.വിവാഹത്തിന് ശേഷം ബാം​​ഗ്ലൂർ ലീല പാലസിൽ റിസപ്ഷനും സംഘടിപ്പിച്ചിരുന്നു. മ്യൂസിക് ബാൻഡായ തൈക്കുടം ബ്രിഡ്ജിന്റെ മ്യൂസിക്ക് ഷോയും വിവാഹത്തോട് അനുബന്ധിച്ച് നടന്നു. 

കഴിഞ്ഞ ഫെബ്രുവരിയിൽ റെബയുടെ ജന്മദിനത്തിലാണ് ജോയ്മോൻ തന്റെ പ്രണയം പറഞ്ഞത്. പ്രണയാഭ്യർത്ഥന റെബ സ്വീകരിക്കുകയും ചെയ്തു. പ്രണയം ഒരു വർഷം തികയും മുൻപേയാണ് ഇരുവരും ഒന്നായിരിക്കുന്നത്. വീട്ടുകാരുടെ സമ്മതത്തോടെയും അനുഗ്രഹത്തോടെയാണ് ഇരുവരും വിവാഹിതരായത്.

2016 ൽ പുറത്തിറങ്ങിയ നിവിൻ പോളി നായകനായ ‘ജേക്കബിന്റെ സ്വർഗരാജ്യം’ എന്ന സിനിമയിലൂടെയാണ് റെബ അഭിനയ രംഗത്തേക്ക് എത്തിയത്. ‘പൈപ്പിൻ ചുവട്ടിലെ പ്രണയം’, മിഖായേൽ, ഫോറൻസിക് എന്നീ മലയാള സിനിമകളിലും അഭിനയിച്ചു.

തമിഴ്, കന്നഡ ചിത്രങ്ങളിലും റെബ അഭിനയിച്ചിട്ടുണ്ട്. ജര്‍ഗണ്ടി, ഹരീഷ് കല്യാൺ സംവിധാനം ചെയ്ത ധനുസു രാശി  നേയർകളെ തുടങ്ങിയ ചിത്രങ്ങളിലും അഭിനയിച്ചു.

തമിഴിൽ വിജയ് ചിത്രം ബിഗിലിൽ ഒരു പ്രധാന വേഷം റെബ ചെയ്തിരുന്നു. വിഷ്ണു വിശാല്‍ നായകനാകുന്ന എഫ് ഐ ആര്‍ ആണ് റെബയുടെ പുതിയ ചിത്രം. മനു ആനന്ദ് ആണ് സിനിമ സംവിധാനം ചെയ്യുന്നത്.