Ananya | അനന്യക്കൊപ്പം സർപ്രൈസ് കാർ യാത്ര, രാത്രി ഡിന്നറിനു ശേഷം പാട്ടും; കൂടെയുള്ള കൂട്ടുകാരിയെ നോക്കൂ

എത്ര വർഷം കഴിഞ്ഞാലും അനന്യ (Ananya) തന്റെ സൗഹൃദങ്ങളെ വിട്ടുകളയാറില്ല. അതിനുദാഹരണമാണ് അവർ ഇപ്പോൾ ചെയ്ത ഈ പോസ്റ്റും. ഇവിടെ അനന്യയുടെ കൂടെയുള്ളത് ഏറെക്കാലമായി നെഞ്ചോടു ചേർത്തുപിടിച്ചു കൂട്ടുകാരിയാണ്.ആ കൂട്ടുകാരിയെ വളരെ വർഷങ്ങൾക്ക് ശേഷം കണ്ടുമുട്ടിയതിന്റെ സന്തോഷമാണ് അനന്യ തന്റെ ഇൻസ്റ്റാഗ്രാം സ്റ്റോറിയിൽ വീഡിയോ രൂപത്തിൽ ആരാധകർക്ക് മുൻപിൽ അവതരിപ്പിച്ചതും

സർപ്രൈസ് എന്ന് പറഞ്ഞാണ് വീഡിയോ തുടങ്ങുന്നത് തന്നെ. അതിനു ശേഷം ക്യാമറ പതിയെ പാൻ ചെയ്ത് തന്റെ അരികിൽ കാറിൽ ഡ്രൈവിംഗ് സീറ്റിൽ ഇരിക്കുന്ന കൂട്ടുകാരിയിലേക്ക് പോകുന്നു. ഈ രണ്ടു സുഹൃത്തുക്കളെയും മലയാളി പ്രേക്ഷകർ നെഞ്ചോടു ചേർത്തതാണ്. വളരെ വർഷങ്ങളായി ഇരുവരും നമ്മുടെ ഒപ്പം തന്നെയുണ്ട്. സിനിമയിൽ സജീവമായില്ലെങ്കിലും അവർ ചെയ്ത വേഷങ്ങൾ ഏവർക്കും പ്രിയങ്കരമാണ്, അന്നും ഇന്നും (തുടർന്ന് വായിക്കുക)

ഡിന്നറിനു ശേഷം അവർ മനസ് തുറന്നു പാട്ടുപാടി. ഈ ലോകത്ത് മറ്റാരും തങ്ങളെ നോക്കുന്നില്ല എന്ന നിലയിൽ രണ്ടുപേരുടെയും മുഖത്ത് സന്തോഷം അലയടിച്ചു. ഹിന്ദി പാട്ട് പാടിയാണ് മേഘ്ന രാജും അനന്യയും അവരുടെ സൗഹൃദം ആഘോഷമാക്കിയത്

കാലങ്ങൾക്ക് ശേഷം തന്റെ ബേബി ഗേളിനെ കാണുന്നു എന്ന് ഈ വീഡിയോക്ക് അനന്യ ക്യാപ്‌ഷൻ നൽകി. മുൻപൊരിക്കൽ അനന്യയുമായി താൻ പങ്കിടുന്ന സൗഹൃദം എത്രത്തോളം ഉണ്ടെന്നു മേഘ്‌ന കുറിച്ചിരുന്നു

ഭർത്താവ് ചിരഞ്ജീവി സർജ മരിച്ച ശേഷം കുഞ്ഞ് പിറക്കുന്നത് വരെ തന്റെ ഒപ്പം നിന്ന കൂട്ടുകാരികൾ രണ്ടു പേർ മാത്രമായിരുന്നു എന്ന് മേഘ്ന വെളിപ്പെടുത്തിയിട്ടുണ്ട്. അവർ രണ്ടുപേരും കേരളത്തിൽ നിന്നുള്ള മലയാളികളുടെ പ്രിയ താരങ്ങളാണ് എന്നതായിരുന്നു ശ്രദ്ധേയം

ഒരാൾ നസ്രിയ നസിം ആയിരുന്നു, മറ്റൊരാൾ അനന്യയും. വേണ്ടപ്പെട്ടവരുടെ സാമീപ്യം ഏറെ ആഗ്രഹിച്ച നാളുകളിലാണ് അചഞ്ചലമായ സ്നേഹം കൊണ്ട് അവർ മേഘ്നയെ മൂടിയത്

സംസ്ഥാന പുരസ്‌കാരം നേടിയ 'അപ്പൻ' എന്ന മലയാള സിനിമയിൽ അനന്യ വേഷമിട്ടിരുന്നു. ഇനി രണ്ടു ചിത്രങ്ങൾ കൂടി അനന്യയുടേതായി ഈ വർഷം വരാനിരിക്കുന്നു

ഭർത്താവ് ചിരഞ്ജീവി സർജയുടെ മരണത്തിനു ശേഷം മേഘ്ന അഭിനയജീവിതത്തിലേക്ക് മടങ്ങുകയാണ്. തദ്‌സമ തദ്‌ഭവ എന്ന സിനിമയിലൂടെയാണ് മടങ്ങിവരവ്. സുഹൃത്തായ പന്നഗഭരണയാണ് മേഘ്‌നയെ പ്രചോദനം നൽകി വീണ്ടും സിനിമയിലേക്ക് കൊണ്ടുവന്നത്