അക്കിനേനിമാരും ധുലിപാലമാരും; നാഗ ചൈതന്യ ശോഭിത വിവാഹ നിശ്ചയത്തിലെ ആരും കാണാ നിമിഷങ്ങൾ

വിവാഹനിശ്ചയ ശേഷം കുടുംബങ്ങളുടെ ഒപ്പമുള്ള നടൻ നാഗ ചൈതന്യയുടെയും (Naga Chaitanya) ശോഭിത ധുലിപാലയുടെയും (Sobhita Dhulipala) ചിത്രങ്ങൾ പുറത്ത്. ഇരു കുടുംബങ്ങളിലെയും കാരണവന്മാരെ ചിത്രങ്ങളിൽ കാണാം. നാഗ ചൈതന്യയുടെ കുടുംബമായ അക്കിനേനിമാരും ശോഭിതയുടെ ധുലിപാല കുടുംബാംഗങ്ങളുമാണ് ചിത്രങ്ങളിൽ. രണ്ടു ദിവസം മുൻപ് ഹൈദരാബാദിൽ വച്ചായിരുന്നു വിവാഹ നിശ്ചയം. ചൈതന്യയുടെ പിതാവ് നാഗാർജുനയാണ് വിവാഹനിശ്ചയ ചിത്രങ്ങൾ പോസ്റ്റ് ചെയ്തത്

ആന്ധ്ര പ്രദേശിലെ തെനാലി സ്വദേശിയാണ് ശോഭിത ധുലിപാല. മർച്ചന്റ് നേവി എഞ്ചിനീയർ ആയ വേണുഗോപാൽ റാവു, സ്കൂൾ അധ്യാപികയായ ശാന്ത കാമാക്ഷി എന്നിവരുടെ മകളാണ് ശോഭിത. കോർപ്പറേറ്റ് ലോയിൽ ബിരുദം നേടിയ ശോഭിത കുച്ചിപ്പുടി, ഭരതനാട്യം നൃത്തങ്ങളിൽ പ്രാവീണ്യമുള്ളയാളാണ്

നടൻ നാഗാർജുനയുടെയും മുൻ ഭാര്യ ലക്ഷ്മി ദഗ്ഗുബാട്ടിയുടെയും പുത്രനാണ് നാഗ ചൈതന്യ. നടി അമലയുമായുള്ള വിവാഹ ബന്ധത്തിൽ നാഗാർജുനയ്ക്ക് അഖിൽ അക്കിനേനി എന്ന മകനുണ്ട്

വിവാഹ നിശ്ചയത്തിന്റെ ആദ്യ ചിത്രങ്ങൾ പോസ്റ്റ് ചെയ്തത് നാഗാർജുനയാണ്. ശേഷം, കഴിഞ്ഞ ദിവസം ശോഭിത ധുലിപാലയുടെ ഇൻസ്റ്റഗ്രാം പേജിൽ അതുവരെ പുറത്തുവിടാതിരുന്ന ഏതാനും വിവാഹനിശ്ചയ ചിത്രങ്ങൾ കൂടി പ്രത്യക്ഷപ്പെട്ടു

നാഗ ചൈതന്യയുടെ ഒപ്പം ഊഞ്ഞാലിൽ ഇരിക്കുന്ന ചിത്രങ്ങളുണ്ട് ശോഭിത പോസ്റ്റ് ചെയ്ത കൂട്ടത്തിൽ. ഇരുവരും കൈകോർത്തു പിടിച്ചിരിക്കുന്നതും കാണാം. ഇരുവരുടെയും മുഖത്ത് സന്തോഷം നിറയുന്നുണ്ട്

ചിത്രങ്ങളിൽ മനോഹരമായ സാഹിത്യം കൂടി കുറിച്ചിട്ടുണ്ട്. 'എൻ്റെ അമ്മ നിങ്ങൾക്ക് എന്തായിരിക്കാം? എൻ്റെ അച്ഛനുമായി നിനക്ക് എന്ത് ബന്ധമാണ്? നീയും ഞാനും എങ്ങനെ കണ്ടുമുട്ടി? എന്നാൽ സ്നേഹത്തിൽ നമ്മുടെ ഹൃദയങ്ങൾ ചുവന്ന ഭൂമിയും ചൊരിയുന്ന മഴയും പോലെയാണ്: വേർപിരിയലിനപ്പുറം കൂടിച്ചേർന്നതാണ്' എന്ന് വാക്കുകൾ

എ.കെ. രാമാനുജൻ തർജമ ചെയ്ത 'കുറുന്തൊഗൈ' എന്ന സാഹിത്യ കൃതിയിലെ വാക്കുകളാണ് ശോഭിത പോസ്റ്റ് ചെയ്തത്. നാഗ ചൈതന്യ, ശോഭിത വിവാഹം എപ്പോഴെന്ന് പ്രഖ്യാപിച്ചിട്ടില്ല