മൂന്ന് മലയാളി നായികമാരും കൂടി വിജയ്‌യുടെ ലിയോ കാണാൻ പോയി; കീർത്തി സുരേഷും കൂടെയുള്ള കൂട്ടുകാരികളും ആരെന്നു നോക്കൂ

താരങ്ങളുടെ ഫാൻ ആയ താരങ്ങൾ സിനിമാ മേഖലയിൽ കാണാം. ചിലർക്ക് ആരാധന മൂത്ത് അവരുടെ ഇഷ്‌ട അഭിനേതാവിന്റെ സിനിമ ഒരുപക്ഷെ ആദ്യ ദിവസം, ആദ്യ ഷോയ്ക്ക് തന്നെ കേറി കണ്ടെന്നു വരാം. ഇന്ന് ദളപതി വിജയ്‌യുടെ (Thalapathy Vijay) 'ലിയോ' (Leo) റിലീസ് ആയ വിവരം പറയേണ്ട കാര്യമില്ല. ഒന്നല്ല, മൂന്ന് യുവനടിമാരാണ് ആദ്യ ദിവസം തന്നെ വിജയ് അണ്ണന്റെ പടം കാണാൻ തിയേറ്ററിലേക്ക് പോയത്. കീർത്തി സുരേഷ് (Keerthy Suresh) ആണ് ആ അപ്ഡേറ്റ് പോസ്റ്റ് ചെയ്തത്

വിജയ്, ലോകേഷ് കനകരാജ് കൂട്ടുകെട്ടിന്റെ പടത്തെക്കുറിച്ച് മികച്ച അഭിപ്രായമാണ് എവിടെയും. നിരാശ ഇല്ലാതെ കാണാൻ സാധിച്ചു എന്ന് ഏവരും ഒരേസ്വരത്തിൽ പറഞ്ഞു. വലിയ സ്വപ്‌നങ്ങൾ കാണാതെ പോയവർ സന്തോഷത്തോടെ കണ്ടിറങ്ങി. എന്തായാലും നമ്മുടെ മൂന്ന് നടിമാരും ആ ആവേശത്തിലാണ് എന്ന് വ്യക്തം (തുടർന്ന് വായിക്കുക)

ഏറെ നാളുകൾക്ക് ശേഷം വിജയ്, തൃഷ കോംബോയെ ബിഗ് സ്‌ക്രീനിൽ കാണാൻ കഴിഞ്ഞു എന്നത് തന്നെയാണ് ഈ സിനിമയുടെ പ്രത്യേകത. ആ കാത്തിരിപ്പു വെറുതെയായില്ല എന്ന് ആരാധകർക്കും തോന്നി തുടങ്ങി. കുന്ദവൈ ആയി വമ്പൻ കംബാക് നടത്തിയ തൃഷ സിനിമയിൽ സജീവമായിക്കഴിഞ്ഞു

മലയാളത്തിൽ നിന്നും മാത്യു തോമസ് ചിത്രത്തിൽ വേഷമിട്ടു എന്നത് മലയാളികളുടെയും ആവേശം വാനോളം ഉയർത്തി. സഞ്ജയ് ദത്തും ചിത്രത്തിന്റെ ഭാഗമാണ്

ചെന്നൈയിലെ വെട്രി തിയേറ്റേഴ്‌സിലാണ് നായികമാർ മൂവരും വിജയ് പടം കാണാൻ കേറിയത്‌. ഇവിടെ ക്രോംപേട്ടിലാണ് രണ്ട് എ.സി. ഹാളുകളുള്ള തിയേറ്റർ ഉള്ളത്

കീർത്തയ്‌ക്കൊപ്പം ഐശ്വര്യ ലക്ഷ്മി, കല്യാണി പ്രിയദർശൻ എന്നിവരാണ് ലിയോ കാണാൻ കേറിയത്. ഏതു മാളിൽ വേണമെങ്കിലും പോകാമെന്നിരിക്കെ, വലിയ ആഡംബരം ഏതുമില്ലാത്ത സ്ഥലത്താണ് താരങ്ങൾ സിനിമ കാണാൻ പോയത്

തമിഴ് സിനിമയിലെ എക്കാലത്തെയും മികച്ച ആദ്യദിന ഓപ്പണിങ് നേടിയ ചിത്രമാകും ലിയോ എന്നാണ് നിലവിലെ പ്രതീക്ഷകൾ. ആദ്യദിന കളക്ഷൻ എത്രയെന്ന് അധികം വൈകാതെ തന്നെ പുറത്തിറങ്ങും