Divya Bharathi: അന്ന് കോളേജ് കാലത്തെ ഫോട്ടോക്ക് കളിയാക്കൽ; ഇന്ന് കോളിവുഡ് നടി

ആദ്യ ചിത്രത്തിലൂടെ തന്നെ സൗന്ദര്യം കൊണ്ട് തമിഴ് ആരാധകരെ കീഴടക്കിയ നടിയാണ് ദിവ്യ ഭാരതി. കോയമ്പത്തൂര്‍ സ്വദേശിനായ താരം വെബ് സീരീസിലും ശ്രദ്ധേയമായ പ്രകടനം കാഴ്ചവെച്ചിട്ടുണ്ട്.

കോയമ്പത്തൂർ സ്വദേശിനിയായ ദിവ്യഭാരതി ആദ്യം മോഡലിംഗ് രംഗത്താണ് സജീവമായത്. മോഡലിംഗിന്റെ തിരക്കിൽ ആയിരിക്കുമ്പോഴാണ് സിനിമയിലേക്ക് അവസരം ലഭിക്കുന്നത്

ജി വി പ്രകാശ് നായകനായ ബാച്ചിലർ (2021) എന്ന ചിത്രത്തിലൂടെയാണ് നായികയായി അരങ്ങേറ്റം കുറിച്ചത്. ആദ്യ ചിത്രത്തിലൂടെ തന്നെ പ്രേക്ഷകരുടെ ഹൃദയം കീഴടക്കാൻ താരത്തിനുകഴിഞ്ഞു.

അടുത്തിടെ നൽകിയ അഭിമുഖത്തിലാണ് കോളേജ് പഠനകാലത്ത് തന്റെ ശരീരഘടനയെ കുറിച്ച് ഒട്ടേറെ കളിയാക്കലുകൾ നേരിടേണ്ടിവന്നതായി താരം തുറന്നുപറഞ്ഞു.

കോളേജിലെ ആ ഇന്റർവ്യൂവിൽ 'അസ്ഥികൂടം' തുടങ്ങിയ കമന്റുകളാണ് കിട്ടിയതെന്ന് നടി പറയുന്നു.

പരിഹാസങ്ങൾ തന്നെ ഏറെ വേദനിപ്പിക്കുകയും തന്റെ ശരീരത്തെ പോലും വെറുന്ന അവസ്ഥയിലേക്ക് എത്തിച്ചെന്നും നടി പറയുന്നു. ആളുകള്‍ കൂടുന്ന സ്ഥലത്ത് പോകാൻ പോലും ഭയമായിരുന്നുവെന്നും ദിവ്യ ഭാരതി പറയുന്നു.

പിന്നീട് 2015-ൽ ഒരു ഇൻസ്റ്റാഗ്രാം അക്കൗണ്ട് തുറന്ന് മോഡലിംഗ് യാത്ര ആരംഭിച്ചു. പോസ്റ്റ് ചെയ്യുന്ന ഓരോ പുതിയ ചിത്രത്തിലും എനിക്ക് അഭിനന്ദനങ്ങൾ ലഭിക്കാൻ തുടങ്ങി, പ്രത്യേകിച്ച് തന്റെ ശരീരഘടനയ്ക്ക്- ദിവ്യഭാരതി പറയുന്നു.

പ്രത്യേക ശരീരപ്രകൃതി ഉള്ളത് കുഴപ്പമില്ല, എല്ലാ വിമർശനങ്ങൾക്കും ഇടയിൽ നിങ്ങൾ സ്വയം എങ്ങനെ സ്നേഹിക്കുന്നു എന്നതാണ് പ്രധാനം. ഇക്കാര്യം ഓർമിപ്പിക്കാൻ ആരെങ്കിലും അക്കാലത്ത് ഉണ്ടായിരുന്നെങ്കിൽ നന്നായിരുന്നുവെന്നും ദിവ്യ ഭാരതി പറഞ്ഞു.

ദിവ്യഭാരതിയുടെ കോളേജ് ഫോട്ടോയാണ് ഇപ്പോൾ വൈറലാകുന്നത്. ഇത് കണ്ട് ആരാധകർ അമ്പരന്നിരിക്കുകയാണ്.കഴിഞ്ഞ വർഷം പുറത്തിറങ്ങിയ തമിഴിലെ സൂപ്പർ ഹിറ്റ് ചിത്രം മഹാരാജയിലും വിജയ് സേതുപതിക്കൊപ്പം ദിവ്യ ഭാരതി അഭിനയിച്ചിരുന്നു.