Mohanlal birthday | 'പ്രിയപ്പെട്ട ലാലിന് ജന്മദിനാശംസകൾ'; മോഹൻലാലിന് ആശംസകളുമായി മമ്മൂട്ടി

നടൻ മോഹൻലാലിന് ജന്മദിനാശംസകൾ നേർന്ന് നടൻ മമ്മൂട്ടി. മെയ് 21നാണ് മോഹൻലാൽ ജന്മദിനം ആഘോഷിക്കുന്നത്. അർധരാത്രിയിൽ തന്നെയാണ് മമ്മൂട്ടി ജന്മദിനാശംസകൾ നേർന്നത്. ഇരുവരും ഒരുമിച്ച് കൈകോർത്ത് നിൽക്കുന്ന ചിത്രം പങ്കുവെച്ചായിരുന്നു മമ്മൂട്ടിയുടെ ആശംസ.

താരത്തിന്റെ പിറന്നാള്‍ ഗംഭീരമാക്കാനുളള ഒരുക്കത്തിലാണ് ഫാൻസ് ക്ലബ്. അതിന്റെ ഭാഗമായി മോഹൻലാലിന്റെ അറുപത്തി മൂന്നാം പിറന്നാൾ ആഘോഷത്തിന്റെ ഭാഗമായി ഓൾ കേരള മോഹൻലാൽ ഫാൻസ് ആന്റ് കൾച്ചറൽ വെൽഫയർ അസോസിയേഷൻ കോഴിക്കോട് ജില്ല കമ്മിറ്റി ഭിന്നശേഷി കുട്ടികളുടെ രക്ഷിതാക്കൾക്കായി ബോധവത്കരണ ക്ലാസ്​ സംഘടിപ്പിച്ചു.

പ്രിയപ്പെട്ട ലാലിന് ജന്മദിനാശംസകള്‍.. ചിത്രത്തിനൊപ്പം മമ്മൂട്ടി കുറിച്ചു. ഇരുവരുടെയും ചിത്രം ആരാധകര്‍ ഇതിനോടകം ഏറ്റെടുത്തു.

പത്തനംതിട്ടയിലെ ഇലന്തൂരിൽ 1960 മെയ് 21ന് ആണ് മോഹൻലാൽ ജനിച്ചത്. 1978ല്‍ തിരനോട്ടം എന്ന ചിത്രത്തിലൂടെ സിനിമയില്‍ അരങ്ങേറ്റം കുറിച്ച ലാല്‍.  1980ല്‍ ഫാസില്‍ സംവിധാനം ചെയ്ത മഞ്ഞില്‍ വിരിഞ്ഞ പൂക്കള്‍ എന്ന ചിത്രത്തിൽ നരേന്ദ്രന്‍ എന്ന വില്ലന്‍ കഥാപാത്രത്തിലൂടെയാണ് ശ്രദ്ധിക്കപ്പെടുന്നത്.

രണ്ട് തവണ മികച്ച നടനടക്കം അഞ്ച് ദേശീയ അവാര്‍ഡുകളും ഒന്‍പത് തവണ സംസ്ഥാന സര്‍ക്കാരിന്റെ പുരസ്‌ക്കാരങ്ങളും സ്വന്തമാക്കി.