Wedding | ഏഴു വർഷത്തെ പ്രണയം; കന്യാസ്ത്രീയും സന്യാസിയും വിവാഹിതരായി

ഏഴുവർഷത്തെ പ്രണയത്തിനൊടുവിൽ സന്യാസിയും കന്യാസ്ത്രീയും വിവാഹിതരായി (monk and nun married). തീർത്തും അപ്രതീക്ഷിതമായി ആരംഭിച്ച പ്രണയമാണ് വിവാഹത്തിൽ കലാശിച്ചത്. ശേഷം ബ്രഹ്മചര്യവ്രതം അവസാനിപ്പിച്ച് ഇരുവരും വിവാഹജീവിതം ആരംഭിക്കുകയായിരുന്നു. തന്റെ 19-ാം വയസ്സ് മുതൽ കന്യാസ്ത്രീയായി ജീവിക്കുകയായിരുന്നു സിസ്റ്റർ മേരി എലിസബത്ത്

2015ലാണ് ഇവരുടെ പ്രണയബന്ധം ആരംഭിക്കുന്നത്. കോൺവെന്റിൽ വച്ചായിരുന്നു ഇവർ ആദ്യമായി കണ്ടുമുട്ടുന്നത് (തുടർന്ന് വായിക്കുക)

ലങ്കാഷെയറിലെ പ്രെസ്റ്റണിലെ ഒരു കോൺവെന്റിൽ 19 വയസ്സ് മുതൽ കന്യാസ്ത്രീയായി തുടരുന്ന സിസ്റ്റർ എലിസബത്ത്, കർമ്മലൈറ്റ് റോമൻ കത്തോലിക്കാ മതവിഭാഗത്തിലെ അംഗമാണ്. ഓക്സ്ഫോർഡിൽ നിന്നുള്ള ഒരു കർമ്മലീത്ത സന്യാസിയാണ് ഫ്രയർ റോബർട്ട്

ഡെയ്‌ലി മെയിൽ റിപ്പോർട്ട് പ്രകാരം, ഒരു ദിവസം റോബർട്ട് ഭക്ഷണം കഴിച്ചോ എന്ന് അന്വേഷിക്കാൻ ചെന്നതായിരുന്നു സിസ്റ്റർ മേരി എലിസബത്ത്. പോകാൻ നേരം ഇരുവരുടെയും സ്ലീവുകൾ തമ്മിൽ ഉരസ്സി. രണ്ടുപേരുടെയും മനസ്സിൽ മറ്റെയാളുടെ മുഖം പതിഞ്ഞു

ഒരാഴ്‌ചയ്‌ക്ക് ശേഷം, റോബർട്ട് എലിസബത്തിന് ഒരു കത്ത് അയച്ചു. വൈദിക ജീവിതം ഉപേക്ഷിച്ച് വിവാഹം കഴിക്കുമോ എന്ന് ചോദ്യം. അവർക്ക് പരസ്‌പരം വളരെ കുറച്ച് മാത്രമേ അറിയാമായിരുന്നുള്ളൂ, പ്രസംഗിക്കുന്നതിനിടയിൽ തന്റെ ജീവിതത്തെക്കുറിച്ച് അദ്ദേഹം പറഞ്ഞ കാര്യങ്ങൾ എലിസബത്തിന് അറിയാമായിരുന്നു

താൻ ഒരൽപം ഞെട്ടലിലായിരുന്നു എന്ന് ലിസ എന്ന മേരി എലിസബത്ത്. തലയിൽ ശിരോവസ്ത്രം ധരിച്ചിരുന്നതിനാൽ, അദ്ദേഹം തന്റെ തലമുടിയുടെ നിറം പോലും കണ്ടിരുന്നില്ല. പരസ്പരം ഒന്നും അറിഞ്ഞിരുന്നില്ല. യഥാർത്ഥ പേര് പോലും അദ്ദേഹത്തിനറിയില്ലായിരുന്നു എന്ന് ലിസ. ഒരു ദിവസം തന്റെ പ്രണയത്തെക്കുറിച്ച് തുറന്നുപറഞ്ഞ ശേഷം, ഒരു ടൂത്‌ബ്രഷും ബാഗിലിട്ട് താൻ കന്യാസ്ത്രീ ജീവിതം അവസാനിപ്പിച്ച് ഇറങ്ങി എന്ന് ലിസ

പുരോഹിത ജീവിതം വിട്ടിറങ്ങിയവരുടെ പുസ്തകങ്ങൾ ഇരുവരും വായിച്ചു. ശേഷം അവർ വിവാഹിതരായി നോർത്ത് യോർക്ക്ഷെയറിലെ ഹട്ടൺ റഡ്ബി ഗ്രാമത്തിലെ ഒരു വീട്ടിൽ താമസമാരംഭിച്ചു. ലിസ ഒരു ഹോസ്പിറ്റൽ ചാപ്ലിൻ ആയി ജോലി കണ്ടെത്തി. റോബർട്ട് ചർച്ച് ഓഫ് ഇംഗ്ലണ്ടിൽ അംഗീകരിക്കപ്പെടുകയും പ്രാദേശിക പള്ളിയുടെ വികാരി ആവുകയും ചെയ്തു