Rahul Gandhi| തലയിൽ ലഗേജ് ചുമന്ന് രാഹുൽ ഗാന്ധി; പോർട്ടർമാർക്കൊപ്പമുള്ള ചിത്രങ്ങൾ വൈറൽ

പോർട്ടർമാർക്കൊപ്പം ഇരുന്ന് അവരുമായി ചർച്ച നടത്തിയ ശേഷമാണ് രാഹുൽ ഗാന്ധി മടങ്ങിയത്. കൂടിക്കാഴ്ച്ചയുടെ ചിത്രങ്ങൾ കോൺഗ്രസ് സോഷ്യൽമീഡിയയിൽ പങ്കുവെച്ചിട്ടുണ്ട്.

വ്യാഴാഴ്ച്ച രാവിലെയാണ് രാഹുൽ ഗാന്ധി റെയിൽവേ സ്റ്റേഷനിൽ എത്തിയത്. പോർട്ടർമാർ നൽകിയ യൂണിഫോമും ബാഡ്ജും രാഹുൽ ഗാന്ധി ധരിച്ചു. അതേസമയം, രാഹുൽ ഗാന്ധിയെ വിമർശിച്ച് ബിജെപിയും രംഗത്തെത്തി.

പോർട്ടർമാരെ സന്ദർശിച്ചത് രാഹുൽ ഗാന്ധിയുടെ സന്ദർശനം നാടകമാണെന്ന് ബിജെപി ആരോപിച്ചു. വലിച്ചുകൊണ്ടുപോകാൻ കഴിയുന്ന സ്യൂട്ട്കേസ് എന്തിനാണ് തലയിൽ ചുമന്ന് നടക്കുന്നതെന്നും ബിജെപി പരിഹസിച്ചു.

എന്നാൽ, രാഹുൽ ഗാന്ധിയുമായി അഞ്ച് മിനുട്ടെങ്കിലും സംസാരിക്കണമെന്നും തങ്ങളുടെ പ്രശ്നങ്ങൾ അറിയിക്കണമെന്നും പോർട്ടർമാർ ആവശ്യപ്പെട്ടതായി കോൺഗ്രസ് വിശദീകരിച്ചു.

രാഹുൽ ഗാന്ധി അടുത്തൊന്നും ഒരു റെയിൽവേ സ്റ്റേഷനിൽ പോയിട്ടില്ലെന്ന് ഉറപ്പാണെന്ന് ബിജെപി നേതാവ് അമിത് മാളവ്യ പരിഹസിച്ചു.

യാത്രക്കാരുടെയും പോർട്ടർമാരുടേയും സൗകര്യത്തിനായി എസ്കലേറ്ററുകളോ റാമ്പുകളോ ഉണ്ട്. രാഹുൽ ഗാന്ധിയുടേത് നാടകമാണെന്നും മാളവ്യ പരിഹസിച്ചു.

പോർട്ടർമാർക്കൊപ്പം രാഹുൽ ഗാന്ധി