Sania Mirza | ആരാണത്? വിവാഹമോചനത്തിനു പിന്നാലെ സാനിയയുടെ വീടിൻ്റെ പേരിനൊപ്പം പുതിയൊരാൾ

ഏറെ ആരാധകരുള്ള പ്രിയ താരമാണ് സാനിയ മിർസ. സോഷ്യൽ മീഡിയയിൽ സജീവമായ താരത്തന്റെ എല്ലാ പോസ്റ്റും വൈറലാകാറുണ്ട്. ഷുഹൈബ് മാലിക്കുമായി വേര്‍പിരിഞ്ഞതിന് പിന്നാലെ താരം പങ്കുവയ്ക്കുന്ന ഓരോ പോസ്റ്റും ആരാധകർ ഏറെ ആകാംഷയോടെയാണ് സ്വീകരിക്കാറുള്ളത്.

ഇപ്പോഴിതാ താരം പുതിയതായി പങ്കുവച്ച ഇൻസ്റ്റാഗ്രാം പോസ്റ്റാണ് ആരാധകർക്കിടയിൽ ചർച്ചയാക്കുന്നത്. നിരവധി ചിത്രങ്ങള്‍ പങ്കുവച്ചെങ്കിലും അതിൽ ആരാധകരുടെ കണ്ണുടക്കിയത് ആദ്യത്തെ ചിത്രത്തിലേക്കാണ്.

താരത്തിന്റെ വീടിന്റെ ഏറ്റവും പുതിയ നെയിംപ്ലേറ്റിന്റെ ചിത്രമാണ് അത്. ഇതോടെ സോഷ്യൽ മീഡിയയിൽ ചർച്ചയാക്കുകയാണ്. ആരാണ് ആ പുതിയ ഉടമ എന്നാണ് ആരാധകർ ചോദിക്കുന്നത്.

എന്നാൽ തന്റെ പേരിനൊപ്പം മകന്‍ ഇഷാന്റെ പേരും കൂടെ ചേര്‍ത്താണ് വീടിന് നെയിംപ്ലേറ്റ് തയ്യാറാക്കിയിരിക്കുന്നത്. ഇതോടെ നിരവധി പേരാണ് താരത്തിന് ആശംസകൾ അറിയിച്ചെത്തിയത്.

ഇതോടൊപ്പം താരത്തിനോടുള്ള സ്‌നേഹവും പിന്തുണയും അറിയിച്ച് ചിത്രത്തിന് താഴെ കമന്റിടുന്നത്. മകനും സുഹൃത്തുക്കള്‍ക്കുമൊപ്പമുള്ള സെല്‍ഫികളും ഇതിനൊപ്പം പോസ്റ്റ് ചെയ്തിട്ടുണ്ട്.

'ഇതും അതും' എന്ന ക്യാപ്ഷനോടെ പോസ്റ്റ് ചെയ്തിട്ടുള്ള ചിത്രങ്ങള്‍ നിമിഷങ്ങള്‍ക്കുള്ളില്‍ ആരാധകര്‍ ഏറ്റെടുത്തു. 2012 ല്‍ ഹൈദരാബാദില്‍ വെച്ചാണ് ഷുഹൈബ് മാലികും സാനിയ മിര്‍സയും വിവാഹിതരാവുന്നത്.

എന്നാൽ 2022- ഓടെ ഇരുവരും വേർപിരിയുന്നുവെന്ന തരത്തിലുള്ള അഭ്യൂഹങ്ങൾ പരന്നിരുന്നു. എന്നാൽ ഔദ്യോഗികമായി ഇവർ വെളിപ്പെടുത്തിയിരുന്നില്ല. ഇതിനു പിന്നാലെയാണ് ഷൊയ്ബ് മാലിക് (Shoaib Malik)വിവാഹതിനായി എന്ന വാർത്ത പുറത്ത് വരുന്നത്.

പ്രശസ്ത പാക് അഭിനേത്രി സന ജാവേദ് ആണ് (Sana Javed)വധു.വിവാഹ ചടങ്ങിന്റെ ഫോട്ടോകൾ ഷോയിബ് മാലിക് സോഷ്യൽ മീഡിയയിൽ പങ്കുവെച്ചതോടെയാണ് വിവാഹ വാര്‍ത്ത പുറം ലോകം അറിയുന്നത്.