Thalapathy Vijay | നീ എന്റേതല്ലേ വാവേ... പിണക്കം മാറ്റി വിജയ് അച്ഛനും അമ്മയ്ക്കുമൊപ്പം വിവാഹവാർഷിക ചടങ്ങിൽ

നടൻ ദളപതി വിജയ്‌യും (Thalapathy Vijay) പിതാവ് എസ്‌.എ. ചന്ദ്രശേഖറും തമ്മിലെ പിണക്കം മാറിയെന്നു തോന്നിക്കുന്ന വിവരങ്ങളാണ് ഇപ്പോൾ പുറത്തുവരുന്നത്. കഴിഞ്ഞ കുറച്ച് വർഷങ്ങളായി, അച്ഛനും മകനും നിരവധി വിഷയങ്ങളിൽ അഭിപ്രായവ്യത്യാസം ഉണ്ടായിരുന്നു. എന്നാൽ അക്കാര്യം പഴങ്കഥയായി മാറിയിരിക്കുന്നു. അമ്പതാം വിവാഹവാർഷികം ആഘോഷിക്കുന്ന വേളയിൽ തമിഴ് താരം അടുത്തിടെ മാതാപിതാക്കളെ സന്ദർശിച്ചിരുന്നു

അമ്മ ശോഭനയ്‌ക്കൊപ്പമുള്ള വിജയ്‌യുടെ ചിത്രമാണ് സോഷ്യൽ മീഡിയയിൽ പ്രചരിക്കുന്നത്. ചിത്രത്തിൽ, ലോകേഷ് കനകരാജിന്റെ വരാനിരിക്കുന്ന ചിത്രമായ ലിയോയ്‌ക്കുള്ള തയ്യാറെടുപ്പിന്റെ ഭാഗമായ വിജയ് തന്റെ പുതിയ ലുക്കിൽ കാണുന്നു (തുടർന്ന് വായിക്കുക)

വിജയ്‌ക്ക് അച്ഛനുമായി പ്രശ്‌നങ്ങളുണ്ടെങ്കിലും ചന്ദ്രശേഖർ തന്നെ പറയുന്നതനുസരിച്ച്, താരത്തിന് അമ്മയുമായി എല്ലായ്പ്പോഴും നല്ല ബന്ധം ഉണ്ടായിരുന്നു എന്നാണ്. ചന്ദ്രശേഖറും വിജയും തമ്മിൽ അത്ര നല്ല ബന്ധത്തിലല്ലെന്ന് ഏറെ നാളായി അഭ്യൂഹം നിലനിന്നിരുന്നു. 2020ൽ ചന്ദ്രശേഖർ ഓൾ ഇന്ത്യ ദളപതി വിജയ് മക്കൾ ഇയക്കം എന്ന പേരിൽ ഒരു രാഷ്ട്രീയ പാർട്ടി രജിസ്റ്റർ ചെയ്തതോടെയാണ് കാര്യങ്ങൾ പരസ്യമായത്

ഇതിൽ അനുമതിയില്ലാതെ തന്റെ പേര് ഉപയോഗിച്ചതിന് വിജയ് അച്ഛനെതിരെ കേസ് ഫയൽ ചെയ്യുന്ന നിലയിലെത്തി. ആരാധകരോട് പാർട്ടിയിൽ ചേരരുതെന്നും അദ്ദേഹം പ്രസ്താവനയിൽ ആവശ്യപ്പെട്ടു. എന്നിരുന്നാലും, വാരിസിന്റെ ഓഡിയോ ലോഞ്ചിന് വിജയ് മാതാപിതാക്കളെ ക്ഷണിച്ചിരുന്നു

ഇതോടുകൂടി ഇരുവർക്കും ഇടയിൽ കാര്യങ്ങൾ മെച്ചപ്പെട്ടതായി പലയിടങ്ങളിലും റിപ്പോർട്ട് വന്നു. കൂടാതെ നടൻ തന്റെ അച്ഛനെ ചടങ്ങിൽ ക്ഷണിക്കുന്നതും കാണപ്പെട്ടു. ഇപ്പോഴിതാ, വിജയിന്റെയും അമ്മയുടെയും പുതിയ ചിത്രം സോഷ്യൽ മീഡിയയിലെ ദശലക്ഷക്കണക്കിന് ആരാധകരെ സന്തോഷിപ്പിച്ചിരിക്കുകയാണ്

വിജയ് ഇപ്പോൾ ലിയോയുടെ പണിപ്പുരയിലാണ്. സഞ്ജയ് ദത്ത്, തൃഷ, ഗൗതം വാസുദേവ് ​​മേനോൻ, മിഷ്‌കിൻ, മൻസൂർ അലി ഖാൻ എന്നിവരും അഭിനയിക്കുന്ന ചിത്രം കാശ്മീരിൽ വിപുലമായി ചിത്രീകരിച്ചു. ചിത്രത്തിന്റെ രണ്ടാം ഷെഡ്യൂൾ ചെന്നൈയിൽ വച്ചാണ്

ലിയോയുടെ ഓഡിയോ ലോഞ്ച് ചെന്നൈയിൽ നടക്കില്ല എന്നതാണ് ചിത്രത്തെക്കുറിച്ചുള്ള ഏറ്റവും പുതിയ അപ്ഡേറ്റ്. ട്രിച്ചിയോ മധുരയോ ആണ് വേദിയായി അണിയറപ്രവർത്തകർ പരിഗണിക്കുന്നത്