40,000 രൂപയുടെ വൈദ്യുതി ബിൽ കണ്ട് ഞെട്ടി; യുവാവ് ആത്മഹത്യ ചെയ്തു

വൻതുക വൈദ്യുത ബില്ലായി ലഭിച്ചതിന്റെ ഞെട്ടലിൽ യുവാവ് ആത്മഹത്യ ചെയ്തു. മഹാരാഷ്ട്രയിലെ നാഗ്പൂരിലാണ് സംഭവം. യശോധനഗറിലെ താമസക്കാരനാണ് ശനിയാഴ്ച ആത്മഹത്യ ചെയ്തതെന്ന് പൊലീസ് പറഞ്ഞു.

ലീലാധർ ലക്ഷ്മൺ ഗൈധനെയാണ് ആത്മഹത്യചെയ്തത്. 40,000 രൂപയുടെ വൈദ്യുതി ബിൽ ഇയാൾക്ക് ലഭിച്ചിരുന്നുവെന്നും ഇതിനെ തുടർന്ന് ഇയാള്‍ മാനസിക വിഷമത്തിലായിരുന്നുവെന്നും കുടുംബാംഗങ്ങൾ പറഞ്ഞു.

ഇത്രയും വലിയ തുക വൈദ്യുതി ബില്ലായി ലഭിച്ചതിന്‍റെ ഞെട്ടലിൽ ഇയാൾ കടുത്ത മദ്യപാനിയായെന്നും ബന്ധുക്കൾ പറഞ്ഞു. ശനിയാഴ്ച മണ്ണെണ്ണ ഒഴിച്ച് തീ കൊളുത്തി ആത്മഹത്യയ്ക്ക് ശ്രമിക്കുകയായിരുന്നു

ഉടൻ തന്നെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ലെന്ന് കുടുംബാംഗങ്ങൾ പറഞ്ഞു. ഒരു വീടിന്റെ ഗ്രൗണ്ട ഫ്ലോറിലാണ് ഇയാളും കുടുംബവും താമസിച്ചിരുന്നതെന്ന് പൊലീസ് പറഞ്ഞു.

ആത്മഹത്യാ കുറിപ്പൊന്നും കണ്ടെത്തിയിട്ടില്ലെന്നും പൊലീസ് വ്യക്തമാക്കി.