ബാങ്ക് ജോലി വാഗ്ദാനം ചെയ്ത് തട്ടിയെടുത്തത് രണ്ടര കോടി രൂപ; യുവതി അറസ്റ്റിൽ

കൊല്ലം: ബാങ്കിൽ ജോലി വാഗ്ദാനം നൽകി രണ്ടര കോടിയിലധികം രൂപ തട്ടിയെടുത്ത യുവതി പിടിയില്‍. നീതുവെന്ന യുവതിയാണ് അറസ്റ്റിലായത്. പുനലൂരില്‍ പതിനേഴ് പേരാണ് ഈ യുവതിയുടെ തട്ടിപ്പിനിരയായതെന്നാണ് പൊലീസ് പറയുന്നത്.

സ്റ്റേറ്റ് ബാങ്ക് ഓഫ് ഇന്ത്യയില്‍ ജോലിവാഗ്ദാനം ചെയ്തായിരുന്നു ഇവരുടെ തട്ടിപ്പ്. മാനേജര്‍, ഓഫീസ് അസിസ്റ്റന്റ്, മെസഞ്ചര്‍, ഡ്രൈവര്‍ തസ്തികകളാണ് ഇവർ വാഗ്ദാനം ചെയ്തിരുന്നത്.

മാനേജര്‍ തസ്തിക പ്രതിക്ഷിച്ച് പണം നല്‍കിയ പുനലൂര്‍ സ്വദേശിനികളായ രണ്ട് യുവതികള്‍ക്ക് മാത്രം അറുപത് ലക്ഷം രൂപയാണ് നഷ്ടമായത്. ഇവര്‍ നല്‍കി പരാതിയുടെ അടിസ്ഥാനത്തിലാണ് നീതുവിനെ വാടകവീട്ടില്‍ നിന്നും പൊലീസ് അറസ്റ്റ് ചെയ്യതത്.

ബാങ്കില്‍ നിന്നും വിരമിച്ച് ഉന്നത ഉദ്യോഗസ്ഥന്‍ വഴി ജോലി നൽകുമെന്നാണ് ഇവർ ഇടപാടുകാരെ വിശ്വസിപ്പിച്ചിരുന്നത്.

നീതുവിന്റെ അടുത്ത ബന്ധുക്കളെയും എസ് ബിഐയില്‍ നിന്നും വിരമിച്ച് ചില ഉദ്യോഗസ്ഥരെയും കേന്ദ്രികരിച്ച് അന്വേഷണം ആരംഭിച്ചതായി പൊലീസ് അറിയിച്ചു.