'വിദ്യാർഥികളിൽ നിന്ന് പഠിക്കൂ'; ഭരണഘടന പോസ്റ്റ് ചെയ്ത് നടി ആലിയ ഭട്ട്

പൗരത്വ നിയമ ഭേദഗതിക്കെതിരെ രാജ്യമെങ്ങും പ്രതിഷേധം നടക്കുകയാണ്. ഞായറാഴ്ച ജാമിയ മിലിയ സർവകലാശാലയിൽ നടന്ന സംഭവത്തിൽ അനുകൂലവും പ്രതികൂലവുമായ അഭിപ്രായ പ്രകടനവുമായി നിരവധി ബോളിവുഡ് താരങ്ങളാണ് രംഗത്തെത്തിയത്.

ബോളിവുഡ് താരം ആലിയ ഭട്ടിന്‍റെ പുതിയ പ്രതികരണമാണ് ഇപ്പോൾ ഇന്‍റർനെറ്റിൽ വൈറലായിരിക്കുന്നത്. ഇൻസ്റ്റഗ്രാം സ്റ്റോറിയിൽ ഇന്ത്യൻ ഭരണഘടനയുടെ ചിത്രമാണ് ആലിയ ഭട്ട് ഇൻസ്റ്റഗ്രാം സ്റ്റോറിയിൽ പങ്കു വെച്ചിരിക്കുന്നത്.

കൂടാതെ, വിദ്യാർഥികളിൽ നിന്ന് പഠിക്കൂ എന്ന വാചകവും പങ്കു വെച്ചിട്ടുണ്ട്. പൗരത്വ നിയമഭേദഗതിക്ക് എതിരെ രാജ്യമെങ്ങും പ്രതിഷേധം തുടരുകയാണ്.