Jayasurya | ദീപാവലി ദിനത്തിൽ എല​ഗന്റ് ലുക്കിൽ ജയസൂര്യയും സരിതയും; ചിത്രങ്ങൾ വൈറൽ

ദീപാവലി ആഘോഷിച്ച് നടൻ ജയസൂര്യ (Actor Jayasurya). നടന്റെയും‌ ഭാര്യയുടെയും ദീപാവലി ആഘോഷത്തിൻ‍റെ ചിത്രങ്ങളും വീഡിയോയുമാണ് സമൂഹമാദ്ധ്യമങ്ങളിൽ വൈറലാകുന്നത്. അതിമനോഹരമായി വസത്രം ധരിച്ചാണ് ഇരുവരെയും ചിത്രങ്ങളിലും വീഡിയോകളിലും കാണാൻ കഴിയുന്നത്.

ഒട്ടുമിക്കപ്പോഴും സ്വന്തം സ്ഥാപനമായ സരിത ജയസൂര്യ ഡിസൈനർ സ്റ്റുഡിയോയിൽ നിന്നുള്ള വസ്ത്രങ്ങൾ ധരിച്ചാണ് ഇരുവരും ഫോട്ടോഷൂട്ട് നടത്തുന്നത്. ഈ ദീപാവലിക്കും (Diwali) അത്തരത്തിൽ മനോഹരമായ വസ്ത്രങ്ങൾ അണിഞ്ഞാണ് ഇരുവരും എത്തിയിരിക്കുന്നത്.

മജന്ത കളറിലെ കുർത്തയും മജന്ത കളറിലെ കസവ് മുണ്ടുമാണ് ജയസൂര്യയുടെ വസ്ത്രം. അതിനോടൊപ്പം വാച്ചും പെയർ ചെയ്തിട്ടുണ്ട്. വസ്ത്രത്തിന് ഇണങ്ങുന്ന രീതിയിലെ ഷൂവും ഹെയർ സ്റ്റൈലുമാണ് ജയസൂര്യയെ കൂടുതൽ സുന്ദരനാക്കുന്നത്.

പർപ്പിൾ ഡ്യുവൽ ഷെയ്ഡ് ബനാറസി സാരിയാണ് സരിത ധരിച്ചിരുന്നത്. നെക്കിലും സ്ലീവ്സിലും ഹാൻഡ്‍വർക്ക് ചെയ്ത ഡീപ് പർപ്പിൾ കളർ ബ്ലൗസാണ് സാരിക്കൊപ്പം ധരിച്ചിരിക്കുന്നത്. മിനിമൽ മോക്കപ്പും സിംപിൾ ഹെയർ സ്റ്റെലുമാണ്. കമ്മലും മാലയും വളയുമാണ് ആക്സസറി.

നിരവധി പേരാണ് ഇരുവർക്കും ദീപാവലി ആശംസകൾ അറിയിച്ചിരിക്കുന്നത്. 'ജയേട്ടൻ സൂപ്പറാണ്, രണ്ടുപേരും നല്ല ഭം​ഗിയുണ്ട്, രണ്ടു പേരുടെയും ഡ്രസ് സൂപ്പറായിട്ടുണ്ട്, ഡിഫറന്റ് ഷെയ്ഡ്...'- എന്നിങ്ങനെയുള്ള കമന്റുകളാണ് പോസ്റ്റിന് താഴെ നിറയുന്നത്.