പ്രഭാസ് ചിത്രം സാഹോ സംവിധായകൻ സുജീത് റെഡ്ഡി വിവാഹിതനായി

നടൻമാരായ നിഖിൽ സിദ്ധാർഥ്, നിതിൻ എന്നിവർക്കു പിന്നാലെ കന്നട സിനിമയിൽ നിന്ന് വീണ്ടുമൊരു വിവാഹ വാർത്ത കൂടി പുറത്തു വരുന്നു.

പ്രഭാസ് നായകനായ സാഹോ എന്ന ചിത്രത്തിന്റെ സംവിധായകൻ സുജീത് റെഡ്ഡിയാണ് വിവാഹിതനായത്. ഓഗസ്റ്റ് രണ്ടിനായിരുന്നു വിവാഹം.

പ്രവല്ലികയാണ് വധു. കുടുംബാംഗങ്ങൾ മാത്രമാണ് വിവാഹത്തിൽ പങ്കെടുത്തത്. വിവാഹത്തിന്റെ ചിത്രങ്ങൾ സമൂഹ മാധ്യമങ്ങളിലൂടെ പുറത്തു വന്നിരിക്കുകയാണ്.

നീണ്ട നാളത്തെ പ്രണയത്തിനു ശേഷമാണ് സുജീതും പ്രവല്ലികയും വിവാഹിതരായത്. ഡെന്റിസ്റ്റാണ് പ്രവല്ലിക. ‌

ഹൈദരാബാദിലെ റിസേർട്ടിൽ വെച്ചായിരുന്നു വിവാഹം. ജൂൺ പത്തിന് വിവാഹ നിശ്ചയം നടന്നിരുന്നു.

ഹൈദരാബാദിലെ ഒരു ഹോട്ടലിൽ വെച്ചായിരുന്നു വിവാഹ നിശ്ചയം നടന്നത്. വിവാഹനിശ്ചയത്തിലും അടുത്ത ബന്ധുക്കൾ മാത്രമാണ് പങ്കെടുത്തത്.

23ാം വയസിൽ റൺ രാജ റൺ എന്ന ചിത്രം സംവിധാനം ചെയ്തുകൊണ്ടാണ് സുജീതിന്റെ അരങ്ങേറ്റം. ഷർവാനന്ദ്, സീരത് കപൂർ, അദ്വി ശേഷ് എന്നിവരാണ് പ്രധാന വേഷത്തിലെത്തിയത്. കോമഡി ത്രില്ലറായ ചിതം വൻ വിജയമായിരുന്നു.

സുജീതിന്റെ രണ്ടാമത്തെ ചിത്രമാണ് സാഹോ. പ്രഭാസ്, ശ്രദ്ധ കപൂര്‍, ജാക്കി ഷ്രോഫ്, നീൽ നിതിൻ മുകേഷ്, അരുൺ വിജയ്, ചുങ്കിപാണ്ഡെ, ടിന്നു ആനന്ദ് തുടങ്ങി പ്രമുഖ താരനിര തന്നെ ചിത്രത്തിൽ അണി നിരന്നു.