കുവൈറ്റിൽ കടലിൽ കുളിക്കാനിറങ്ങിയ മലയാളി വിദ്യാർഥി മരിച്ചു

കുവൈറ്റ് സിറ്റി: കടലിൽ കൂട്ടുകാർക്കൊപ്പം കുളിക്കാനിറങ്ങിയ മലയാളി വിദ്യാർഥി മരിച്ചു.

കണ്ണൂർ സ്വദേശിയും മംഗഫ് ഇന്ത്യ ഇന്റർനാഷണൽ സ്കൂളിലെ ഒൻപതാം ക്ലാസ് വിദ്യാർഥിയുമായ മുഹമ്മദ് ഇർഫാൻ (14) ആണ് മരിച്ചത്.

കണ്ണൂർ ആയിഷ നിവാസിൽ ഇംതിയാസിന്റെ മകനാണ്. കുടുംബത്തോടൊപ്പം കുവൈറ്റിലാണ്. 

വെള്ളിയാഴ്ച വൈകിട്ട് കൂട്ടുകാർക്കൊപ്പം മഹബൂല ബീച്ചിൽ കുളിക്കാനിറങ്ങിയതായിരുന്നു.

അമ്മ: നസീമ. സഹോദരങ്ങൾ: ഇംറാൻ അലി, ഇസ്ഹാൻ, ഇസ്ന, അർഷ്