കർഷക സമരം ശക്തമായിരിക്കെ പ്രധാനമന്ത്രി ഗുരുദ്വാരയിൽ; പ്രാർത്ഥിക്കാനെത്തിയത് ഡൽഹിയിലെ റകാബ് ഗഞ്ച് സാഹിബ് ഗുരുദ്വാരയിൽ

ഡൽഹിയിലെ റകാബ് ഗഞ്ച് സാഹിബ് ഗുരുദ്വാരയിൽ പ്രാർത്ഥന നടത്തി പ്രധാനമന്ത്രി നരേന്ദ്ര മോദി . (പ്രധാനമന്ത്രി ട്വിറ്ററിൽ പങ്കുവച്ച ചിത്രം)

 ചരിത്രപ്രാധാന്യമുള്ള  റകാബ് ഗഞ്ച് സാഹിബിൽ  ഗുരു തേജ് ബഹദൂറിന്‍റെ  ജന്മവാർഷികത്തോടനുബന്ധിച്ച് ആദരവ് അർപ്പിക്കാനെത്തിയതായിരുന്നു പ്രധാനമന്ത്രി. ഗുരുദ്വാരയിൽ പ്രാർത്ഥിച്ചതായി പ്രധാനമന്ത്രി പിന്നീട് ട്വീറ്റ് ചെയ്തു. (പ്രധാനമന്ത്രി ട്വിറ്ററിൽ പങ്കുവച്ച ചിത്രം)

സിഖ് മതത്തിലെ  10 ഗുരുക്കന്മാരിൽ ഒമ്പതാമനായിരുന്നു ഗുരു തേജ് ബഹദൂർ. ലോകമെമ്പാടുമുള്ള ദശലക്ഷക്കണക്കിന് ആളുകളെപ്പോലെ താനും ഗുരു തേജ് ബഹാദൂറിൽ നിന്ന്   പ്രചോദനം ഉൾക്കൊണ്ടിട്ടുണ്ടെന്നും പ്രധാനമന്ത്രി പറഞ്ഞു.  (പ്രധാനമന്ത്രി ട്വിറ്ററിൽ പങ്കുവച്ച ചിത്രം)

ഡൽഹി അതിർത്തിയിൽകർഷക പ്രതിഷേധം ശക്തമായിരിക്കെയാണ് രാജ്യതലസ്ഥാനത്തെ ഏറ്റവും പ്രധാനപ്പെട്ട ഗുരുദ്വാരയിൽ പ്രധാനമന്ത്രി സന്ദർശനം നടത്തിയത്.  കർഷക സമരത്തിൽ പങ്കെടുക്കുന്ന ഭൂരിപക്ഷം ആളുകളും  പഞ്ചാബിൽ നിന്നുള്ളവരാണ്.(പ്രധാനമന്ത്രി ട്വിറ്ററിൽ പങ്കുവച്ച ചിത്രം)

 കേന്ദ്രസർക്കാർ കൊണ്ടുവന്ന കാർഷിക നിയമങ്ങൾക്ക് എതിരായ സമരം 25ാം ദിവസത്തിലേക്ക് കടന്നതിനിടെയാണ് പ്രധാനമന്ത്രിയുടെ ഗുരുദ്വാര സന്ദർശനം. നിയമം പിൻവലിക്കില്ലെന്ന് പ്രധാനമന്ത്രി നേരത്തെ ആവർത്തിച്ചിരുന്നു. (പ്രധാനമന്ത്രി ട്വിറ്ററിൽ പങ്കുവച്ച ചിത്രം)

നിയമം സംബന്ധിച്ച്  തുറന്ന ചർച്ചയ്ക്ക് തയ്യാറാണെന്ന കൃഷിമന്ത്രി നരേന്ദ്രസിംഗ് തോമറിന്റെ ശ്രമത്തെ പരാമർശിച്ച പ്രധാനമന്ത്രി, അനുനയ നീക്കം എല്ലാ കർഷകരും കാണണമെന്ന് കഴിഞ്ഞ ദിവസം ട്വീറ്റിലൂടെ അഭ്യർത്ഥിച്ചിരുന്നു. (പ്രധാനമന്ത്രി ട്വിറ്ററിൽ പങ്കുവച്ച ചിത്രം)

വിവിധ പ്രാദേശിക ഭാഷകളിലായിരുന്നു  പ്രധാനമന്ത്രിയുടെ ട്വീറ്റ്. മധ്യപ്രദേശിലെ കർഷകരമായി ഓൺലൈൻ വഴി പ്രധാനമന്ത്രി സംവദിച്ചിരുന്നു..  (പ്രധാനമന്ത്രി ട്വിറ്ററിൽ പങ്കുവച്ച ചിത്രം)